Mtoto aliyezaliwa ndani ya ndege ikisafiri apewa Makubwa

MTOTO aliyezaliwa ndani ya ndege iliyokuwa ikisafiri angani ametunukiwa zawadi ya kilomita 1.6 milioni ambazo atasafiri bila kulipa nauli katika ndege za shirika la Cebu Pacific atakapokuwa mkubwa.

Mtoto huyo, Haven, alizaliwa wakati ndege ya shirika la Cebu Pacific la Ufilipino, ilikuwa ikisafiri kutoka Dubai kuelekea Manila.

 

 

Kulingana na madaktari, mama ya Haven alijifungua mnamo Agosti 14, wiki tano mapema kabla ya muda wake kuwadia.

Wauguzi wawili ambao walikuwa wameabiri ndege hiyo walimsaidia mwanamke huyo kujifungua. Rubani wa ndege hiyo alitua ndege hiyo kwa dharura katika uwanja wa Hyderabad, India ambapo mwanamke huyo alipelekwa hospitalini kwa ajili ya matibabu.

Kulingana na shirika la CNN, mkurugenzi wa Cebu Pacific, Lance Gokongwei, alimtuza mtoto huyo maili 1,000,000 ambapo atasafiri bila kulipia tiketi kama zawadi ya kuzaliwa.

"Tunafurahi sana kwani mtoto na mama yake wanaendelea vyema kiafya,” akasema mkrugenzi huyo.

Zawadi hiyo inamaanisha kuwa mtoto huyo anaweza kwenda na kurudi nchini Amerika kutoka Kenya mara 32.

JIUNGE NA EDMO BLOG SASA

Usipitwe!! Jiunge nasi kupitia Facebook,Twitter na Instagram ili kupata habari zote za town! Usikose kujiunga na Youtube kuangalia video zote kali kutoka Edmo Blog Pekee!, kujiunga bonyeza hapa>>>Youtube

Tupe Maoni Yako lakini Usiandike Matusi