Serikali ya awamu ya tano kupitia CCM endapo itapewa ridhaa na watanzania mbali na kudhamiria kutoa elimu ya msingi hadi kidato cha nne bure pia imeahidi kuangalia upya michango inayotozwa mashuleni kwa kuwa inatumika kama mianya ya ulaji kwa baadhi ya watendaji sambamba na kuahidi kutatua kero ya maji kwa wakazi wa mkoa wa tabora ambayo inaonekana ni tatizo kubwa kwa wananchi wa mkoa huo.
Wakiongea kwa nyakati tofauti wananchi hao waliokuwa na kiu ya kumuona mgombea huyo, wamemuomba kuwatatulia kero ya maji ambayo wameitaja kama kero mama, sambamba na changamoto nyingine kama vile za barabara za kuziunganisha wilaya hizo na mikoa mingine ya jirani kama Kigoma na Katavi lakini pia bei ya Tumbaku jambo lililoongezewa nguvu na mgombea ubunge wa jimbo la kaliuwa Prof Juma Kapuya.
Akiongea na wakazi wa maeneo ya Sikonge, ulyankulu, Kaliuwa na hatimae Urambo alikopita na kufanya mikutano ya hadhara hii leo mgombea wa kiti cha urais Dr John Pombe Magufuli ameahidi kulitatua tatizo la ukosefu wa maji katika wilaya hiyo ya Kaliuwa na wilaya nyIngine kwa kuchimba mabwawa ya kuhifadhi maji lakini pia visima ili wanananchi waondokane na kero hiyo.
Aidha Dr Magufuli amewaambia watanzania kuwa mbali na serikali ya awamu ya tano kudhamiria kutoa elimu kuanzia darasa la kwanza hadi kidato cha nne bure serikali yake endapo itapewa ridhaa na watanzania kuendelea kuongoza itaangalia upya suala la michango ya shule ambayo wakati mwingine imegeuka kama mianya ya ulaji.
Dr Magufuli amehitimisha ziara yake ya kampeni mkoani Tabora ambapo jumatano ya September 16 anatarajiwa kuendelea na kampeni zake mkoani Kigoma.
Posts
