Mpango wa Kumuua Dr. Slaa: Mlinzi Wake Alipuka....Adai CHADEMA ni MAGAIDI......Asimulia Jinsi Alivyoteswa na Kupoteza Nguvu za Kiume

Siku chache kupita baada ya Mjumbe wa Mkutano Mkuu wa Chama cha Demokrasia na Maendeleo (CHADEMA), Mabere Marando kufichua njama za Mlinzi wa Katibu Mkuu wa Chama hicho Wilbroad Slaa, bwana Khalid Kangezi kupanga mipango ya kumuua  katibu huyo huku akishirikiana na Vigogo wa Chama Mapinduzi CCM pamoja na Mkuu wa Usalama wa Taifa Mkoa wa Kinondoni,naye Mlinzi huyo ameibuka  na   kufichua siri nzito ndani ya Chama hicho kikuu cha upinzani nchini..

 

Akizungumza na waandishi wa habari jijini Dar es Salaam, Kangezi amesema siku ya kifo cha marehemu Kapteni John Komba alikuwa akitokea nyumbani kwake Mwenge akielekea kazini nyumbani kwa Dk. Slaa ambapo baada ya kufika getini aliambiwa na mlinzi wa geti hilo kuwa haruhusiwi kuingia ndani na alipouliza sababu alijibiwa kuwa taarifa imetoka kwa mke wa Dk. Slaa.

Alipoendelea kuhoji alipewa majibu  kwamba hapaswi kuendelea kumuuliza maswali ndipo aliamua kurudi tena nyumbani kujipanga kwa siku ambayo ingefuatia huku akiendelea kufanya juhudi za kumpata Dr. Slaa ili aweze kumuuliza sababu kuu ya kuzuiwa kuingia ndani.

Siku iliyofuatia ambayo ilikuwa Jumatatu ambapo Komba alikuwa anatakiwa kuagwa rasmi, alidamka asubuhi na mapema kuelekea nyumbani kwa Dk. Slaa kwani alijua kuwa naye angetakiwa kuungana na viongozi wengine kuuaga mwili wa marehemu. 
  Kwa bahati nzuri alifanikiwa kumkuta nyumbani japokuwa alizuiwa tena kuingia ndani ila majibu aliyopewa na Slaa ni kuwa aongee na mkewe wamalizane mgogoro wao na yeye akasema  hakutaka kuingilia mgogoro huo.

Kangezi aliongeza  kuwa hakutarajia kama mke wa Slaa angekuwa na mgogoro naye kwani walikuwa wakiitana mtu na kaka yake kwa vile wanatoka Mkoa wa Kagera.

Kangezi aliendelea kuelezea kuwa hakuamini kama kweli angeweza kufungiwa nje ya geti la nyumba kutokana na jinsi alivyokuwa akihangaika katika kuhakikisha ulinzi wa Dk. Slaa kwa nguvu ya hali ya juu kutokana na masuala ya vyama na ameishi naye kwa muda wa zaidi ya miaka 14 bila shida wala tuhuma yoyote.

Baada ya kukosa maelewano nyumbani kwa Dk. Slaa, aliamua kwenda katika ofisi za chama hicho zilizoko Kinondoni kwa ajili ya kuonana na kiongozi wake ambapo baada ya kufika alidai alizuiwa na viongozi wa chama hicho tena wakimtaka kuingia katika chumba maalumu kwa ajili ya kuchukua mahojiano naye ambapo  alifanya kama alivyotakiwa.

Aliwataja viongozi wa chama hicho aliowakuta humo ambao tayari walimwamuru kuvua nguo zake zote na kubakia kama alivyozaliwa huku akitishiwa kuuawa. 
  Humo alitakiwa kueleza mahusianao yake na Katibu Mkuu wa Chama Cha Mapinduzi, Philip Mangula, na watu wa usalama wa taifa ambapo alisema alisulubiwa kwa muda wa saa sita na akatakiwa kuandika katika karatasi kukiri kuwa kweli anawasiliana nao na kutokana na kipigo alichokuwa akikipata,  akihofia kuuawa, aliamua kutii matakwa yao.

Siku hiyohiyo majira ya usiku alipelekwa katika hoteli iliyoko maeneo ya Sinza–Madukani ambapo alipakizwa katika gari alilokuwemo mwanasheria wa chama chicho, Mabere Malando, hadi kwenye hoteli waliyokuwa wamechukua vyumba na kumwingiza ndani ambako walianza tena kumsulubu hadi akaishiwa nguvu na akitakiwa tena aandike kuwa alikuwa na mpango wa kumdhuru Dk. Slaa kwa kumpa sumu,
 

Kutokana na uchovu aliokuwa nao aliamua kukiri kufanya hivyo huku akirekodiwa.

Mlinzi Kagenzi akionyesha mateso aliyofanyiwa na  Makada wa Chadema

Akionyesha Vidonda

Mlinzi huyo ameenda  mbali  zaidi  na  kufichua  mipango ya kigaidi inayofanywa na Chadema huku akisema wameandaa ofisi  za  kigaidi.

 

“Chama ambacho kinandoto ya kuchukua nchi leo kinaandaa mipango ya mauaji na utesaji kama walivyonifanyia .
  "Waliniteka na kunifungia kwenye chumba cha mateso  wanachomiliki wao, wamenichoma visu na kuniweka kwenye Mashine  ya umeme bila kosa lolote,eti wakinishinikiza  nitaje wanaonituma.” .

 

Aidha, Kagenzi amekitupia lawama chama hicho na  kusema  kuwa  mateso waliyompa yamemfanya apoteze nguvu za kiume .

 

Mlinzi  huyo amemalizia kwa kusema kuwa hajawahi kufanya jambo lolote la kutaka kumdhuru Slaa,  na hata kiasi cha fedha kilichotajwa kuingiziwa na watu wa usalama wa taifa si kweli na hawezi kutunza fedha katika simu.  

 

Ameeleza pia kwamba amefanya mambo mengi kwa Dk. Slaa na hivyo hawezi kumdhuru licha ya kufahamu siri zake nyingi. 

JIUNGE NA EDMO BLOG SASA

Usipitwe!! Jiunge nasi kupitia Facebook,Twitter na Instagram ili kupata habari zote za town! Usikose kujiunga na Youtube kuangalia video zote kali kutoka Edmo Blog Pekee!, kujiunga bonyeza hapa>>>Youtube

Tupe Maoni Yako lakini Usiandike Matusi