Pasta aliyenaswa kwenye video akiwatimua wasimamizi kutoka harusini ametetea msimamo wake na kusema hataomba msamaha.
Pasta Jared Omwoyo alisema aliwatimua wasimamizi hao kwa sababu walikosa maadili ya Wakristo kanisani.
Amesema wasimamizi hao walikuwa ni wasabato ila makafiri kutoka makanisa mengine na walienda kinyume cha itikadi za kanisa SDA. Alisema baadhi yao walikuwa wamejipodoa kwa rangi katika midomo yao, wanja usoni na pia kuvalia kwa namna ambayo hakupenda.
Omwoyo anasema alikuwa ameuliza iwapo wasimamizi hao ni kutoka kanisa la SDA na kufahamishwa ndivyo na mshangao ulimpiga siku ya harusi.
"Shida ilitokea walipoanza kukata mwendo, walianza kumsumbua patroni ambaye alikuwa ni wa SDA. Niliwaita na nikapigwa na mshangao baada ya kuona wanaume wakiwa wameshuka nywele," alisema mhubiri huyo.
Kina dada na wao walikuwa wamepiga luku kinyume cha desturi ya SDA ikiwamo kuvalia mikufu. "Kina dada walikuwa na hereni, rangi mdomoni na mikufu mingine. Baada ya kuwauliza, wakaanza kubishana na mimi," alisema mhubiri huyo Wakenya wamekuwa na hisia mseto tangu video ya Omwoyo akiwatimua wasimamizi hao kuibuka mtandaoni.
Kisa hicho kilichozua hisia mseto kilitokea katika kanisa la Tente SDA kaunti ya Nyamira. "Kama umevaa jinsi isivyo stahili, try somewhere else not this Seventh-day Adventist church. Harusi tunayofanya inaitwa harusi takatifu, ndoa takatifu. Hata kanisa haiwezi kaa na vitu ambavyo haviendi na mpango wa Mungu," aliambia kundi la wasimamizi
Chanzo: TUKO.co.ke
Posts
