Wanandoa wa Uingereza waliofariki ndani ya saa 21, wamezikwa katika jeneza moja wakati wa mazishi yao, hatua ambayo ilichochewa na ukuruba wao wakiwa bado hai.
The Star linaripoti kuwa Allan na June King walikutana wakiwa na umri wa miaka 15 tu, wakapendana, na hatimaye wakafunga ndoa.
Lakini June alifariki mnamo Juni 9 Juni 2022, katika Nyumba ya Wauguzi ya Brookfield mjini Dronfield naye Alan alifuata karibu saa 21 baadaye, katika Hospitali ya Chesterfield Royal ambapo alikuwa akitibiwa saratani.
Wanandoa hao waliandaiwa mazishi ambayo wangetaka katika maziko yao ya pamoja katika Ukumbi wa Maiti wa Hutcliffe Wood mnamo Alhamisi, Desemba 8.
Wapenzi hao ambao wote wana umri wa miaka 87, walilala bega kwa bega katika jeneza moja, wakiwa wameshikana mikono kama walivyokuwa wakifanya walipokuwa hai. "Mama na baba walikuwa hawatenganishwi hadi mwisho. Ilifaa sana kwamba wangelala jeneza moja na kushikana mikono kwa mara ya mwisho kwa sababu walikuwa wameishi pamoja maisha yao yote na walikuwa na furaha sana,” alisema mtoto wao Alan King.
"Ningependa kusema watakoswa sana na kushukuru kwa kila kitu walichonifanyia. Baada ya miaka 87, kwa wao kufa ndani ya saa 21 ya kila mmoja, sikuamini. kuwa mzuri wa nyota," aliongeza Alan. Allan alifanya kazi katika Jumba la Picha ya Dronfield na pia alikuwa mpiga picha mahiri.
Aliwahi kuliuzia gazeti la Daily Mirror picha ya ajali mbaya iliyomuua Donald Campbell alipokuwa akijaribu kuvunja rekodi ya kasi ya maji katika eneo la Coniston Water katika Wilaya ya Ziwa.
June alipatwa na maradhi ya masikio akiwa mtoto, ambayo ilihitaji kufanyiwa upasuaji, na iliathiri kumbukumbu yake kwa maisha yake yote lakini mwanawe anasema alikuwa ‘mcheshi sana’ na siku zote alikuwa anaweza kutangamana vyema na yeyote.
Posts
