Klabu ya Geita Gold yenye maskani yake Mkoani Geita, imeachana na mshambuliaji wake George Mpole.
Geita Gold haikuweka wazi sababu hasa za kuvunja Mkataba na mpachika nyavu huyo aliechukua kiatu cha ufungaji bora msimu wa 2021/2022 akimpiku Mshambuliaji wa Yanga, Fiston Mayele.
Taarifa za Geita Gold FC kuachana na Mpole zimethibitishwa na Mtendaji Msaidizi wa Klabu hiyo, ambapo Mshambuliaji huyo ameruhusiwa kucheza timu yoyote kutokana na kufika kikomo kwa mkataba wake katika Klabu hiyo, mnamo Desemba 7, 2022.
“Uongozi wa Klabu ya Geita Gold unakutaarifu rasmi ya kwamba mkataba wako wa ajira kati ya Klabu na wewe umemalizika rasmi leo baada ya pande zote mbili kukubaliana na uko huru kujiunga na Klabu yoyote kuanzia leo”, ameeleza Mtendaji Msaidizi kupitia taarifa iliyoandaliwa ya kuachana na Mshambuliaji huyo.
Geita Gold FC imemshukuru Mshambuliaji huyo kwa ushirikiano wake na kazi nzuri tangu asajiliwe ndani ya Klabu, pia Klabu hiyo imemtakia kila la kheri na maisha mema katika majukumu yake ya Soka katika Klabu nyingine.
George Mpole alikuwa na mvutano na mabosi wa Geita Gold kwa miezi kadhaa huku akijitenga na timu kwa kile alichodai kuwa ni mgonjwa lakini pia anadai maslahi yake.
Mara kadhaa uongozi wa Geita Gold ulikanusha hadharani madai ya mchezaji huyo na hatimaye sasa ndoa ya wawili hao imefika tamati.
Kwa sasa Mpole yuko huru kujiunga na klabu yoyote.
JIUNGE NA EDMO BLOG SASA
Usipitwe!! Jiunge nasi kupitia Facebook,Twitter na Instagram ili kupata habari zote za town! Usikose kujiunga na Youtube kuangalia video zote kali kutoka Edmo Blog Pekee!, kujiunga bonyeza hapa>>>Youtube
Tupe Maoni Yako lakini Usiandike Matusi
Posts
