"Polisi anayekamata na kusema ni 'order' kutoka juu ni Mbabaishaji - Mambosasa

Kamanda wa polisi kanda maalum ya Dar es salaam (SACP) Lazaro Mambosasa amefunguka na kusema kuwa katika kipindi chake kama kamanda wa polisi kanda maalum ya Dar es Salaam hakuna mtu yoyote atakamatwa kwa kauli ya 'order' kutoka juu. 

Kamanda Mambosasa amesema hayo leo alipokuwa akiongea na waandishi wa habari na kudai polisi yoyote ambaye anasema amekuja kumkamata mtu kwa 'order' kutoka juu ni wazi kuwa polisi huyo ni mbabaishaji na hajui anachotenda. 

“Katika kipindi changu hutasikia kauli ya 'order' kutoka juu na ukisikia ikatie rufaa, nipigie niambie kuna mtu anataka kuchezea uhuru wangu, Ukisikia askari anasema 'order' kutoka juu ujue huyo hajiamini na pengine ni mbabaishaji hajui anachotenda" alisema Mambosasa 

Aidha Kamanda Mambosasa amedai kuwa jeshi la polisi linafanyakazi kwa kuzingatia katiba, sheria na kanuni pamoja na miongozo inayoliongoza jeshi la polisi na si kitu kingine. 

JIUNGE NA EDMO BLOG SASA

Usipitwe!! Jiunge nasi kupitia Facebook,Twitter na Instagram ili kupata habari zote za town! Usikose kujiunga na Youtube kuangalia video zote kali kutoka Edmo Blog Pekee!, kujiunga bonyeza hapa>>>Youtube

Tupe Maoni Yako lakini Usiandike Matusi