Kisa hicho kimewaacha wanakijiji kutoka kata ya
Shirumba, eneobunge la Ikolomani wakiwa na mshangao na hofu.
Mshukiwa Nelson Ambia Malaya, 19 alitoweka nyumbani kwao Jumatano iliyopita baada ya kuzua taharuki kwa kufukua kaburi la shangaziye marehemu na baadaye kuchimba kaburi lake huku akitishia kujitoa uhai.
Mshukiwa Nelson Ambia Malaya, 19 alitoweka nyumbani kwao Jumatano iliyopita baada ya kuzua taharuki kwa kufukua kaburi la shangaziye marehemu na baadaye kuchimba kaburi lake huku akitishia kujitoa uhai.
Baadaye, aliwashambulia na kuwakata fahali watatu wa
babake na kufweka mimea ya mahindi na miwa kwenye shamba la jirani huku
akitoa vitisho kuwa angelimua dadake wa umri wa miaka 13, ambaye ni
mwanafunzi katika shule ya msingi ya Malinya.
Mshukiwa anazuiliwa kwenye kituo cha polisi cha Malaika, eneo bunge la Ikolomani akingoja kufikishwa mahakamani jumatatu.
Babake mshukiwa Henry Malaya, aliambia Taifa Jumapili kuwa amekata tamaa baada ya mwanawe kujihusisha na vitendo vya uhuni. Alisema mwanawe alikuwa na pupa ya kutaka vitu vya bure bila ya kutoa jasho.
Babake mshukiwa Henry Malaya, aliambia Taifa Jumapili kuwa amekata tamaa baada ya mwanawe kujihusisha na vitendo vya uhuni. Alisema mwanawe alikuwa na pupa ya kutaka vitu vya bure bila ya kutoa jasho.
“Ningependa hatua kali ichukuliwe dhidi ya mshukiwa
kwani ametishia kuwa atatuua na kuchoma nyumba zetu. Sielewi kwa nini
ameamua kujihusisha na uhalifu,” alisema Mzee Malaya.
Mshukiwa alikuwa anatumikia kifungo cha nje baada ya kuwatishsia maisha wazazi wake mwaka jana na kuchoma nyumba mbili kwenye boma la babake.
Mshukiwa alikuwa anatumikia kifungo cha nje baada ya kuwatishsia maisha wazazi wake mwaka jana na kuchoma nyumba mbili kwenye boma la babake.
Chifu wa kata ya Shirumba Bw Eustace Butichi, alisema
kuwa mshukiwa alikuwa ameenda mafichoni baada ya kukosa kujiwasilisha
kwa afisi yake kama alivyo agizwa na mahakama.
“Mahakama ilitoa kibali cha kumkamata baada yeye
kutoweka na kukosa kutoa huduma inayo ambatana na kifungo cha nje ya
jela,” alisema Bw Butichi.
Mzee Malaya alisema hakuna tambiko jamii yake inapanga
kufanya ili kuondoa kisirani nyumbani kwake, kwani mwanawe hajaonyesha
kujuta kwa kitendo alichofanya.
“Sioni haja yoyote ya kufanya tambiko ili kusafisha
mji wangu kwani mwanangu hajuti kwa yote aliyo fanya. Naomba mahakama
imuchulie hatua kali,” alisema Bw Malaya.
Posts
