Wafanyakazi wa kampuni ya ujenzi wa barabara ya magari yaendayo kasi ‘STRATBAG’ wakiwa katika mgomo leo asubuhi.
Mwandishi
wa Global TV Online, Patrick Buzohera akiwa mbele ya ofisi ya Meneja
Mkuu wa kampuni ya Strabag akijaribu kuzungumza naye, lakini alishuhudia
ofisi hiyo ikifungwa mlango na madirisha kabla hajafanya chochote.
WAFANYAKAZI wa kampuni ya ujenzi wa barabara ya magari yaendayo kasi
‘STRATBAG’ iliyopo maeneo ya Ubungo jijini Dar, leo asubuhi wameingia
katika mgomo wakipinga uongozi wa kampuni hiyo kuwalipa mishahara midogo
wafanyakazi wake na kuondolewa posho zao za wiki na mwisho kabisa
wakipinga suala la kutopewa ajira kwa vibarua waliofanya kazi kwa muda
mrefu katika kampuni hiyo.
Kamera yetu ilifika eneo la tukio na kuwamulika wafanyakazi wakiwa
wamekaa bila kujishughulisha na kitu chochote wakisubiri muafaka kutoka
kwa viongozi wao ambao hadi mwandishi wetu anaondoka eneo la tukio
hakukuwa na muafaka wowote uliofikiwa baina ya mabosi wa kampuni hiyo na
wafanyakazi.
(Picha: Chande Abdallah / GPL)
Posts
