Jukwaa
la Katiba nchini limepinga ushiriki wa madiwani katika mabaraza ya
katiba yanayotarajiwa kuundwa na kubainisha kuwa diwani anayetaka
kushiriki anapaswa kugombee nafasi hiyo kama ilivyo kwa watu wengine.Akizungumza na waandishi wa habari jijini Dar es Salaam Mwenyekiti wa Jukwaa la Katiba DEUS KIBAMBA amesema iwapo madiwani watashiriki katika mabaraza hayo wataingiza siasa na kuharibu mchakato wa kazi za mabara kwani wao ndiyo wasimamizi wa mikutano yak kata yenye jukumu la kuchagua wagombea.
Pamoja na kuwakataa madiwani pia KIBAMBA amesema kigezo cha raia wa Tanzania ndiye anapaswa kushiriki kwenye mabara hakitoshi kutokana na kuwepo kwa aina nyingi za Raia hivyo ni vema kiainishe kuwa raia mzawa ili kupata watu wazalendo na wenye uchungu na nchi.
Katika hatua nyingine KIBAMBA ameipongeza Tume yak Katiba kwa kutoa muongozo kabla yak kuundwa kwa mabaraza na kupendekeza utaratibu huo uendelee kutumika katika hatua zote muhimu za kutafuta katiba ya nchi.
Kwa mujibu wa muongozo uliotolewa na Tume yak Katiba jumla yak watanzania Elfu 19 mia tatu sitini na saba watashiriki huku Baraza la Katiba nalo likiahidi kuunda mabaraza yatakayochukua watu wengi zaidi kupitia asasi za kiraia ili kupanua wigo wa kukusanya maoni na kuboresha katiba.
Posts
