MNAMO TAREHE KATI YA
TAREHE 31.12.2012 NA TAREHE 07.01.2013 MAJIRA YA SAA 15:00HRS NA SAA
18:00HRS KATIKA MAENEO YA ILEMI NA MWANJELWA JIJINI MBEYA.KUMEIBUKA
KUNDI LA MTANDAO WA WATU WANAOIBA PESA KWENYE VIBANDA VYA KIBIASHARA VYA
M-PESA KWA KUTUMIA FEDHA BANDIA.TAREHE 31.12.2012 MAJIRA YA SAA
18:00HRS TUMA D/O NICHOLAUS,MIAKA 21,MKINGA,MUUZA DUKA LA M-PESA MKAZI
WA ILEMI AMBAYO NI MALI YA BENNY S/O MWAIPOPO ALIKAMATWA NA KUFIKISHWA
KITUO CHA POLISI AKIWA NA KIASI CHA PESA BANDIA TSHS 910,000/= [ZOTE
ZIKIWA NI NOTI MPYA ZA SHS 10,000/=] AMBAZO ANADAI KUPATIWA NA WATEJA
TOFAUTI KATIKA SIKU TOFAUTI.
AIDHA TAREHE 07.01.2013
MAJIRA YA SAA 15:00HRS HUKO MWANJELWA ZUBERI S/O ABDALLAH,MIAKA
25,KYUSA,KONDAKTA MKAZI WA MABIBO DSM AKIWA KATIKA KIBANDA CHA M-PESA
KWA NIA YA KUINGIZA PESA TSHS 85,000/= ALIWAKUTA WAHUDUMU WAWILI
1.UPENDO D/O BILAS,MIAKA 24,MCHAGA MKAZI WA IVUMWE NA 2. MAHADIA D/O
KARIM,MIAKA 20,MHEHE MKAZI WA SOKOMATOLA NA KUTOA PESA ZA AWALI TSHS
40,000/= “NOTI NNE” AMBAZO WAHUDUMU HAO WALIZITILIA SHAKA KUWA NI BANDIA
. WAKATI WAKIJARIBU KUULIZIA KWA MAJIRANI UHALALI WA PESA HIZO ZUBERI
S/O ABDALLAH ALIONDOKA ENEO HILO HIVYO WAHUDUMU HAO WALIAMUA KWENDA
KITUO CHA POLISI MWANJELWA KUTOA TAARIFA NA KUSALIMISHA PESA HIZO.
HATA HIVYO MUDA SI MREFU
ZUBERI S/O ABDALLAH ALIFIKA KITUO CHA POLISI MWANJELWA AKITOA MALALAMIKO
YAKE KUWA AMEBADILISHIWA PESA ZAKE HALALI TSHS 40,000/= NA WAHUDUMU HAO
NA KUDAI KUWA NI PESA BANDIA. KUTOKANA NA MAZINGIRA HAYO WATOA TAARIFA
HAO WOTE WATATU WALIKAMATWA NA POLISI KWA MAHOJIANO ZAIDI .MPAKA SASA
JUMLA YA WATUHUMIWA WANNE WANASHIKILIWA NA POLISI PAMOJA NA KIASI CHA
PESA BANDIA TSHS 950,000/=. CHANZO CHA WIZI /UTAPELI HUO NI TAMAA YA
KUWANIA MALI KWA NJIA ISIYO HALALI.
KAMANDA WA POLISI MKOA WA
MBEYA KAMISHNA MSAIDIZI WA POLISI DIWANI ATHUMANI ANATOA WITO KWA JAMII /
WAFANYABIASHARA KUWA MAKINI NA KIKUNDI/MTANDAO WA WATU WANAOJIPATIA
PESA KWA MTINDO HUU KWANI NI KINYUME CHA SHERIA NA UNARUDISHA NYUMA
MAENDELEO YAO. AIDHA AMEIASA JAMII KUACHA TABIA YA KUJIPATIA MALI KWA
NJIA YA MKATO/UTAJIRI WA HARAKA.
PIA AMEENDELEA KUSISITIZA KUWA JESHI LA
POLISI KAMWE HALITAVUMILIA MATUKIO YA NAMNA HII KUENDELEA KUJITOKEZA
MKOANI MBEYA NA KUWAHIMIZA WANA-MBEYA WALIOWEMA KUENDELEA KUTOA TAARIFA
ZA MAHALI WALIPO WATU/MTANDAO/KIKUNDI HICHO ILI WAKAMATWE.
Signed By,
[DIWANI ATHUMANI – ACP]
KAMANDA WA POLISI MKOA W A MBEYA.
[DIWANI ATHUMANI – ACP]
KAMANDA WA POLISI MKOA W A MBEYA.
Posts
