Amesema hayo leo Novemba 27, 2022, wakati alipokagua maendeleo ya ujenzi wa vyumba vya madarasa sita katika shule ya Sekondari ya Mwandege iliyopo Wilaya ya Mkuranga, Pwani.
Waziri Majaliwa amemtaka Mkurugenzi wa Halmashauri ya wilaya ya Mkuranga Mwantumu Mgonja, kutenga kiasi cha shilingi milioni 120 kutoka kwenye mapato ya ndani kwa ajili ya kuanza ujenzi wa jengo la utawala katika shule hiyo ifikapo Januari 2023.
"Huu ni wakati wa kufanya kazi, nimeridhika na viwango vya ujenzi wa vyumba madarasa katika shule hii, endeleeni kusimamia viwango kwenye miradi mingine, twende na matakwa ya Rais wetu na kumsadia kutimiza maono yake ya kuwahudumia Watanzania", amesema Waziri Mkuu
Waziri Mkuu amesema kuwa mipango ya Rais Samia ni kuhakikisha kwamba serikali inawafikia Watanzania popote walipo hadi vitongojini kwa kupeleka huduma mbalimbali za kijamii ikiwemo afya, maji, shule, umeme pamoja na mawasiliano.
Mheshimiwa Majaliwa ametoa wito kwa wakulima wote nchini kutumia mvua hizi za mwanzo kuanza kujishughulisha na shughuli za kulima.
Posts
