Mwenyekiti wa Chama cha Demokrasia na Maendeleo
CHADEMA Kata ya Luwumbu wilayani Makete mkoani Njombe Hii leo ametangaza rasmi
kukihama chama hicho na kujiunga na chama cha Mapinduzi (CCM)
Mwenyekiti huyo Bw. Aram Medson Kyando
akizungumza na Eddy Blog muda mchache baada ya kuhama CHADEMA, Amesema sababu
zilizopelekea kujiuzulu na kuhamia CCM ni kuunga mkono Jitihada za maendeleo
zinazofanywa na Rais John Magufuli ambaye pia ni mwenyekiti wa CCM Taifa
Amesema akiwa upinzani tangu 2013 walikuwa
wakipigia kelele mambo kadhaa yatekelezwe na serikali lakini sasa ameona
yakifanywa kwa vitendo na Rais Magufuli hivyo haoni sababu ya yeye kuendelea
kuwa upinzani
Akijibu swali la mwandishi wetu kuhusu kununuliwa
hasa kutokana na wimbi la viongozi wengi wa CHADEMA Kuhamia CCM, amesema hilo
halina ukweli na badala yake yeye hajanunuliwa bali anaukubali utendaji kazi wa
Rais Magufuli katika nyanja mbalimbali ikiwemo elimu bure, afya na miundombinu
Posts
