Halmashauri Kuu ya CCM wilaya ya Makete imeipokea
taarifa ya utekelezaji wa ilani ya uchaguzi ya chama cha Mapinduzi CCM wilaya
ya Makete kwa mwaka 2017 iliyowasilishwa kwao hii leo
Taarifa hiyo imewasilishwa hii leo na Mkuu wa
wilaya ya Makete Mh Veronica Kessy ambapo imeonesha utekelezaji wa ilani hiyo
ya uchaguzi umekwenda vizuri na ndiyo maana imepokelewa na wajumbe hao
Katika taarifa hiyo Mkuu wa wilaya amesema wilaya
imefanikiwa kutoa pembejeo za kilimo kwa wakulima kwa wakati, kujengwa ghala la
kuhifadhia mazao katika kijiji cha Madihani, kuchanjwa ng'ombe 24,798 magonjwa
hatari ikiwemo kimeta pamoja na ng'ombe 17,581 kupigwa chapa wilaya nzima
Taarifa hiyo pia imegusia utekelezaji wa ilani
katika nyanja zote ikiwemo elimu, kilimo, afya, maji pamoja na miundombinu
Kwa upande wake katibu wa CCM wilaya ya Makete
Ndugu. Langael Akyoo amewataka watendaji wa serikali kufahamu kuwa wao
kutekeleza ilani ya uchaguzi ya CCM sio hiari bali ni sheria inawataka kufanya
hiyo
Naye mwenyekiti wa CCM wilaya ya Makete Ndugu Ona
Nkwama amewaambia watendaji wa serikali ambao ndio watekelezaji wa ilani kuwa
kazi yao kubwa ndio hiyo lakini wajiepushe kuonesha mapenzi ya vyama ofisini
Posts
