Serikali yamteua Leodger Tenga

Waziri wa Habari, Sanaa, Utamaduni na michezo, Dkt. Harrison Mwakyembe amemteua Rais wa zamani wa Shirikisho la soka nchini TFF Leodger Chilla Tenga kuwa Mwenyekiti wa Baraza la Michezo Tanzania (BMT)

Uteuzi huo umefanyika leo ambapo kupitia taarifa ya Wizara hiyo imeeleza kuwa Waziri Mwakyembe amepewa mamlaka ya kufanya hivyo na Katiba ya Jamhuri ya Muungano wa Tanzania.

Aidha Mwakyembe pia ameteua wajumbe wapya sita wa Baraza hilo pamoja na wajumbe wengine watatu ambao wataongoza nafasi mbalimbali ndani ya Baraza hilo kama taarifa hapo chini inavyoeleza.

Tenga aliongoza Shirikisho la soka nchini kwa awamu mbili kabla ya kuachia nafasi hiyo ambapo mwaka jana pia aliteuliwa na Shirikisho la soka Barani Africa (CAF) kuwa Makamu wa Rais wa Kamati ya Ufundi na Maendeleo ya Shirikisho hilo.

JIUNGE NA EDMO BLOG SASA

Usipitwe!! Jiunge nasi kupitia Facebook,Twitter na Instagram ili kupata habari zote za town! Usikose kujiunga na Youtube kuangalia video zote kali kutoka Edmo Blog Pekee!, kujiunga bonyeza hapa>>>Youtube

Tupe Maoni Yako lakini Usiandike Matusi