Madiwani wa Kike wadai kudhalilishwa na polisi wa kiume Arusha

Ni tukio lililojiri mapema Leo jtatu Feb 5, katika kikao cha baraza LA madiwani wa Jiji la Arusha ,pale askari kanzu wa Polisi walipovamia baraza hilo wakisaka nyaraka ya siri inayodaiwa kupatikana kwa mmoja wa madiwani wa baraza hilo.

Askari hao walifika na  kufunga lango la ukumbi wa mikutano huku wakizuia  madiwani hao kutoka  kwa lengo la kuwafanyia upekuzi wakisaka nyaraka ya serikali inayodaiwa kumilikiwa na Diwani mmoja wapo, Prosper Msofe(chadema)

Jambo hilo linadaiwa kuwafedhehesha na kuwadhalilisha madiwani wa kike ambao waliwaeleza wanahabari kuwa askari hao hao hawakuwatendea haki kwa kuwa kitendo hicho cha kupekuwa pochi zao kilipaswa kufanywa na askari wa kike jambo ambalo halikufanyika hivyo.

Mmoja wa madiwani hao ,Veronica Hosea Mwilange alisema kitendo hicho kimewadhalilisha wao kama madiwani wa kike

Mkurugenzi wa Jiji la Arusha,Athumani Kihamia  akiongea wakati akitoka kwenye ukumbi huobwa mikutano alisikika akisema askari huwa  hawafundishwi kazi ya kufanya.

Hata hivyo baada ya upekuzi huo uliochukua takribani dakika 30 ,askari hao waliondoka na Diwani Msofe kwa ajili ya mahojiano Polisi baada ya kudai kuwa anayo nyaraka  inayoonyesha Meya wa Jiji na mkurugenzi wamesaini mkataba wa maduka ya stand  ndogo na wafanyabiashara  kinyume na maazimio ya baraza hilo

JIUNGE NA EDMO BLOG SASA

Usipitwe!! Jiunge nasi kupitia Facebook,Twitter na Instagram ili kupata habari zote za town! Usikose kujiunga na Youtube kuangalia video zote kali kutoka Edmo Blog Pekee!, kujiunga bonyeza hapa>>>Youtube

Tupe Maoni Yako lakini Usiandike Matusi