Mbunge wa Jimboo la Makete Mh Prof Norman Siggala
Mkuu wa wilaya ya Makete Mh Veronica Kessy
Mwenyekiti wa CCM wilaya ya Makete akionesha taarifa hiyo iliyokataliwa
Mkuu wa wilaya ya Makete mkoani Njombe Mh Veronica Kessy ameshindwa
kuwasilisha taarifa ya utekelezaji wa ilani ya uchaguzi ya chama cha Mapinduzi
(CCM) iliyotakiwa kuwasilishwa leo katika kikao cha Halmashauri ya CCM wilaya.
Akizungumza kwenye kikao hicho Mh Kessy amesema ameshindwa kusoma
taarifa hiyo kutokana na mapungufu aliyoyaona kwenye taarifa hiyo, ambayo
amekabidhiwa hii leo na ofisi ya mkurugenzi mtendaji wa Halmashauri
Amesema awali alitakiwa kukabidhiwa taarifa hiyo tangu jumatatu ya
wiki hii kama alivyoagiza, na badala yake akakabidhiwa Jumanne na alipokwenda
kuipitia aliikuta ina mapungufu makubwa, na kuagiza yarekebishwe lakini
alipokabidhiwa ameikuta pia inamapungufu yaliyopelekea kutoiwasilisha
Mkuu huyo amesema kutokana na taarifa hiyo kutowasilishwa kama
ilivyopangwa, wote waliosababisha taarifa hiyo kuwa na mapungufu watawajibika
kuitisha kikao kingine kwa gharama zao huku wakitakiwa kuiandaa upya taarifa
hiyo
Hali hiyo ikamfanya Mwenyekiti wa CCM wilaya ya Makete Ndugu Ona
Nkwama, kuagiza taarifa hiyo ikaandaliwe upya huku akiwaonya watendaji wa
halmashauri, kuepuka kuzembea utakelezaji wa shughuli mbalimbali ambazo
zinapelekea kuandaliwa kwa taarifa ambayo haijitoshelezi kuwasilishwa kwenye
kikao
Mwenyekiti wa halmashauri ya wilaya ya Makete Mh Egnatio Mtawa,
amesema kwa kuwa taarifa hiyo haijaandaliwa na baraza kama mamlaka ya nidhamu
ya watumishi hao itafuatilia kwa makini na kubaini kama kuna sababu zozote za
uzembe zilizofanywa na miongoni mwa watumishi hawa
Katibu wa CCM wilaya ya Makete Langael Akyoo ametoa kauli kuhusiana na
suala hilo kwa kusema kuwa taarifa hiyo ikaletwe upya
Naye mkurugenzi wa halmashauri ya wilaya ya Makete Francis Namaumbo
amekiri kwenda kuyatendea kazi maagizo yote aliyopewa
Wajumbe hao
Posts
