Wasiojulikana watelekeza silaha za moto

Watu wasiojulikana katika kijiji cha Kiyombo kata ya Kipili wilayani Sikonge mkoani Tabora, wametelekeza silaha za moto saba ikiwemo moja ya kivita aina ya SMG na Magazine yake, ambazo inasadikiwa zilikuwa zikitumika katika uhalifu katika jamii,mkoani humo, ikiwa ni pamoja na ujangili katika hifadhi za serikali.

Akitoa taarifa kwa vyombo vya habari juu ya tukio hilo Kamanda wa polisi mkoani Tabora Kamishna Msaidizi Mwandamizi Wilbroad Mtafungwa amesema kuwa, jeshi la polisi litaendelea kuwaelimisha wananchi juu ya madhara ya kuwepo na watu wanaomiliki silaha ili wazisalimishe, sehemu yoyote.

Aidha katika hatua nyingine kamanda Wilbroad Mtafungwa amesema kuwa, kufuatia matukio ya vijana waliokuwa wameibuka na vitendo vya kuwapora wasafiri, na katika nyumba za kulala wageni, jeshi hilo limefanikiwa kuwatia mbaroni vijana 11, maarufu wa wakiwemo pamoja na wengine watano wenye mtandao wa wizi wa pikipiki mkoani Tabora

JIUNGE NA EDMO BLOG SASA

Usipitwe!! Jiunge nasi kupitia Facebook,Twitter na Instagram ili kupata habari zote za town! Usikose kujiunga na Youtube kuangalia video zote kali kutoka Edmo Blog Pekee!, kujiunga bonyeza hapa>>>Youtube

Tupe Maoni Yako lakini Usiandike Matusi