Mchezo wa ufunguzi wa Simba dhidi ya Ruvu Shooting umekuwa mchezo wa kwanza wenye magoli mengi, baada ya Simba kufanikiwa kupata ushindi wa magoli 7-0, Emanuel Okwi akifunga hat-trick.
Ushindi huo sasa unatimiza ahadi ya afisa habari wao Haji Manara kwa Masau Bwire kwani aliahidi wataifunga zaidi ya magoli matano na kama isingetokea angempa milioni tano, baada ya mechi Haji Manara ameeleza sababu za Simba kuifunga Ruvu Shooting magoli 7-0 wakatio sio utamaduni wao.
“Tunashukuru Mungu tumepata ushindi wa magoli 7-0 lakini hatuna utamaduni wa kumfunga mtu goli saba, sisi tunapenda kuburudisha watu kwa kuwafunga goli 3 au mbili lakini sio goli saba, Masau Bwire anatuita sisi Simba wa mdori? hana adabu nimewaambia wachezaji leo kambini nendeni mkamuoneshe kama Simba ni timu kubwa hana adabu”-Manara
Siku chache kabla ya mchezo huo wa ufunguzi afisa habari wa Ruvu Shooting Masau Bwire alipost picha ya toi lililovalishwa jezi nyekundu na kusema kuwa, hilo ni toi tu kutoka Kariakoo watalichezea watakavyo na halina madhara yoyote, ujumbe ambao unailenga Simba.
“Toi hili ni kwa ajili ya watoto kuchezea Watoto wa Ruvu Shooting watalichezea Jumamosi, halina madhara! linapatikana Kariakoo!” Masau Bwire.
Posts
