Vijana wawili wamefariki dunia papohapo baada ya ajali mbaya ya kugongwa na gari kutokea huko Kijangwani wilaya ya Mjini Unguja.
Akithibitisha kutokea kwa tukio hilo Kamishna Msaidizi Mwandamizi wa jeshi la polisi Hassan Nassir Ali amesema jana tarehe 27, majira ya saa 4:00 usiku gari no: Z 660 HT iliyokuwa ikiendeshwa na Seif Halid Muhamed miaka 25 mshirazi wa Kwahani.
Imegonga vespa yenye no: Z 181 GE iliyokuwa ikiendeshwa na Anas Maulid Msabaha miaka 25 mshirazi wa Kidongochekundi aliyekuwa amempakia Ashrafu Badru Muhammed miaka 27 mshirazi wa Kidongochekundu pia gari hiyo imegonga gari iliyokuwa imeegeshwa pembeni ya barabara yenye no: Z890 EW inayomilikiwa na Machano Muhammed Mkombe mshirazi wa Fuoni.
Katika ajali hiyo vijana waliokuwa na vespa walifariki dunia papohapo na vyombo vyote vilivyohusika katika ajali hiyo vimepata athari.
Posts
