Chuo cha Vision Training chafungiwa kwa kukosa sifa

Serikali wilayani Tunduru mkoani Ruvuma imekifunga chuo cha Vision Training kwa kukosa sifa kilichokuwa kikitoa mafunzo mbalimbali kwa ngazi ya cheti yakiwemo ya ualimu wa awali huku kikiwa kimekusanya wanafunzi kutoka Kusini na Kaskazini mwa Tanzania.

Katika chuo hicho bweni linatumika kama darasa na wakati huo huo likitumika kama ofisi na vyoo vya wasichana na wavulana huku vyoo hivyo vikiwa vichafu na vibovu hali inayohatarisha afya za wanafunzi hivyo mkuu wa wilaya Tunduru Bw.Juma Homera ametangaza kukifunga chuo hicho huku saini ya barua ya kukiruhusu kuendesha shughuli zake wilayani Tunduru ikidaiwa kughushiwa.

Kaimu Mkuu wa Chuo hicho kinachodaiwa hakijasajiliwa huku wanafunzi wakitozwa ada ya shilingi laki saba kwa mwaka bw.Hassan Muya mwenye elimu ya cheti anasema kuwa hatua ya kukifungia chuo hicho anaichukulia kawaida.

Kwa upande wao wanafunzi wa chuo hicho ambao wanalala chini huku wengine wakilala kwenye meza ndani ya darasa akiwemo Shukrani Exaveri kutoka wilayani Biharamulo mkoani Kagera wanaiomba serikali kuvifungia vyuo vingine vinavyoendeshwa kimagumashi ili wengine wasipate hasara kama waliyoipata wao huku wakiiomba serikali kuhakkikisha wanapata vyuo vyenye sifa kwa kuwa wanazo sifa.

JIUNGE NA EDMO BLOG SASA

Usipitwe!! Jiunge nasi kupitia Facebook,Twitter na Instagram ili kupata habari zote za town! Usikose kujiunga na Youtube kuangalia video zote kali kutoka Edmo Blog Pekee!, kujiunga bonyeza hapa>>>Youtube

Tupe Maoni Yako lakini Usiandike Matusi