Wapinzani wawasilisha hoja maalum ya kumuondoka madarakani Naibu Spika wa Bunge

Kambi rasmi ya upinzani bungeni imewasilisha  hoja maalumu ya kumuondoa madarakani Naibu Spika wa Bunge la Jamuhuri ya Muungano wa Tanzania Dkt Tulia Ackson kwa kile wanachodai amekuwa  akiliendesha Bunge hilo kwa ubabe dhidi ya wabunge wa kambi rasmi ya upinzani bungeni  huku wakiainisha sababu sita zikiwemo za matumizi mabaya ya sheria za kanuni za uendeshaji wa Bunge.

Miongoni mwa sababu hizo sita walizowasilisha mezani kwa Spika wa Bunge ni pamoja na Dkt Tulia Ackson,  kuweka maslahi ya chama mbele kuliko  maslahi ya Bunge, matumizi ya mabaya ya kiti cha spika, ukiukwaji wa kanuni ya 64,1, f na g, inayokataza mbunge kutumia lugha ya matusi,  huku ikisisitiza kuwa ombi hilo limekwisha kuungwa mkono na wabunge  92 kwa niaba ya wabunge wengine.

 

Zikiwa ni takribani siku nne, kambi hiyo ya upinzania ikiwa haishiriki vikao vya bajeti,wabunge kutoka chama tawala CCM, wanasema ni vema mazungumzo yakafanyika.

 

Katika kipindi cha maswali na majibu wabunge wameihoji serikali kuhusu utekelezaji wa mipango mbalimbali ikiwemo ya miundombinu.

JIUNGE NA EDMO BLOG SASA

Usipitwe!! Jiunge nasi kupitia Facebook,Twitter na Instagram ili kupata habari zote za town! Usikose kujiunga na Youtube kuangalia video zote kali kutoka Edmo Blog Pekee!, kujiunga bonyeza hapa>>>Youtube

Tupe Maoni Yako lakini Usiandike Matusi