Kauli hiyo imetolewa na msimamizi wa mradi wa maji wa kitongoji cha Kilovoko Bw, Naumu Tweve alipokuwa akizungumza na kituo cha Green Fm kwenye Chanzo cha maji cha Kilovoko Kilichopo kijiji cha Tandala kata ya Tandala wilayani hapa.
Bw. Naumu amewasisitiza wananchi kutunza vyanzo vya maji na kuwa na fedha za akiba zitakazosaidia katika uboreshaji wa mradi huo na kufanya usafi katika chanzo hicho pale inapohitajika.
Wananchi waliokuwepo katika shughuli ya ukarabati wa mradi huo wamesema wameopokea vizuri huku wakilalamikia kitendo cha uongozi wa kijiji kushindwa kujitokeza katika zoezi hilo.
Bi Dora Chaula ni mwenyekiti wa kitongoji Cha Kilovoko naye akawashukuru wananchi kwa ushirikiano waliouonesha katika utekelezaji wa mradi huo.
Akijibu tuhuma za uongozi wa kijiji kutofika katika zoezi hilo Afisa mtendaji wa kijiji cha Tandala Bw Ambele Sanga amesema wakati zoezi hilo likiendelea yeye alikuwa kwenye majukumu mengine ya kikazi huku pia akisema mwenyekiti wa kijiji hicho alikuwa msibani ndiyo maana wameshindwa kufika.
Na Asukile Mwalwembe
Posts
