Hayo yamezungumzwa na wananchi wa kitongoji hicho katika mkutano uliofanyika hii leo kutokana na kukithiri kwa uchafu katika maeneo yao huku baadhi ya kaya zikikosa vyoo pamoja na njia kutopitika kiurahisi kutokana na uchafu.
Wananchi hao wakizungumza mbele ya mwenyekiti wao wa kitongoji Bi Dora Mbilinyi na mwenyekiti wa kijiji Alexander Mbilinyi wamekubaliana kuimaliza kero hiyo ndani ya Mwezi mmoja.
Akichangia hoja katika mkutano huo mwenyekiti wa kijiji cha Ikonda Bw, Alexander Mbilinyi amesema suala la usafi ni nyeti hivyo linahitaji utekelezaji Wa haraka na kuitumia ipasavyo siku iliyopangwa na serikali ya kufanya usafi juma mosi ya kila mwisho wa mwezi.
Katika hatua nyingine wananchi hao wameongeza kuwa kutofanya usafi ni aibu kubwa hivyo wananchi wajifunze kufanya usafi katika kaya zao.
Wananchi wakisikiliza hoja
Posts
