Hayo yamesemwa hii leo katika kituo cha polisi Tandala na Diwani wa Kata ya Tandala Mh. Egnatio Mtawa Baada ya wananchi kuwakamata watuhumiwa wa wizi ambao mpaka tunakwenda mitamboni majina yao hayajapatikana vizuri, na kuwafikisha kituoni hapo na wananchi kuonesha kukerwa na vitendo hivyo
Aidha baada ya watuhumiwa hao kufikishwa kituoni hapo wananchi walikizingira kituo hicho wakishinikiza watuhumiwa hao kuchukuliwa hatua na ndipo diwani huyo akazungumza na wananchi waliofika kituoni hapo pamoja na askari waliokuwepo kituoni hapo wakiongozwa na mkuu wa kituo, kuwa wananchi wanahitaji kujua hatma ya tukio hilo na mtandao mzima wa wizi ulioanza kushamiri katika kijiji hicho
Baadhi ya wananchi wakazungumzia tukio hilo na kutoa maoni yao na kusema inauma kuona watuhumiwa wengine kuhukumiwa kifungo kidogo ukilinganisha na kosa walilofanya
"Unakuta mfano umeibiwa pikipiki ya milioni moja na nusu mtuhumiwa anafungwa miezi 8 jamani hili linatuumiza wananchi" alisikika mwananchi mmoja ambaye hakutaja jina lake
Mkuu wa kituo cha polisi Tandala Afande Majiruka akatoa rai kwa wananchi kuwaomba wanapowakamata watuhumiwa na kuwafikisha kwenye kituo cha polisi wasijichukulie sheria mikononi kwa kuwapiga kwa lengo la kuwaua kwa kuwa ni kinyume cha sheria
Hadi sasa jeshi hilo la polisi linawashikilia watuhumiwa hao wanne kwa hatua zaidi za kisheria huku wananchi wakisubiri kufahamishwa ni nini kinaendelea katika kesi hiyo
Posts
