Wakazi wa kitongoji cha Kilovoko kata ya Tandala wilayani Makete mkoani Njombe, hii leo wamegawiwa hazi zao za viwanja na ofisi ya ardhi wilaya ya Makete
Akizungumzia zoezi hilo Afisa Ardhi Mteule wilaya ya Makete Bw. Anicas Vilumba amesema jumla ya hati 245 zimeandaliwa na ofisi yake tayari kuwagawia wananchi wenye hati hizo
Amesema anakiri kuwa hati hizo zimechelewa kukamilika na hiyo inatokana na kukosekana kwa vifaa serikalini pamoja na kwenye ofisi ya kamishna wa ardhi, lakini pamoja na changamoto hiyo wananchi 245 wamechukua hati zao, huku akiwatoa hofu wananchi karibia 100 waliolipia hati zao na bado hazijatoka kuwa ndani ya mwezi huu wa tatu zitatoka
Andowise Memba ni mwenyekiti wa serikali ya kijiji cha Tandala amezungumzia zoezi hilo kwa kusema kuwa limemfurahisha huku akiwasihi wale wenye hati zao na wako mbali wafanye mawasiliano ya kuandika barua ili hati zao wazipate ama wafike wenyewe kuzichukua
Baadhi ya wananchi waliochukua hati zao na wakizungumza na eddy blog hawakusita kuelezea furaha waliyonayo lakini pia umuhimu wa wao kumiliki hati za kiwanja ama viwanja vyao kuwa pamoja na mambo mengine zitawasaidia kukopa fedha katika benki na taasisi mbalimbali
Afisa Ardhi Mteule wilaya ya Makete Anikasi Vilumba akiwa ameshika baadhi ya hati za wananchi wa Tandala
Moja ya hati ya kiwanja
Posts
