GARI LAGONGA WAPANDA PIKIPIKI MIKESE MOROGORO....WANANCHI WAFUNGA BARABARA

Jeshi la Polisi limelazimika kuwatawanya wananchi kijiji cha Mkambarani Mikese wilayani Morogoro baada ya kufunga barabara ya Morogoro Dar es Salama kufuatia tukio la ajali ya gari ndogo aina ya Toyota mark ii kugonga wapanda pikipiki  na kusababisha kifo cha  mama mmoja mwalimu wa shule ya msingi Mkambarani.

Vurugugu hizo zimedumu kwa muda ambapo wananchi walipanga mawe barabarani na kuzuia magari yanayotumia barabara hiyo wakilalamikia kuchoshwa na matukio ya ajali za mara kwa mara katika eneo hilo wakiitaka serikali kuweka matuta.

 

Kufuatia vurugu hizo za wananchi, serikali ya kijiji na mkuu wa polisi wilaya Zuberi Chembela na wamelazimika kutuliza wananchi hao waliokuwa wakizungumza kwa jazba na kuwaahidi jeshi la polisi litaweka ulinzi katika eneo hilo kuzuia matukio ya ajali.

 

Kamanda wa polisi mkoa wa Morogoro Lenard Paul amesema chanzo cha tukio ni gari ndogo kugonga wapanda pikipiki Godwini Mbena na alikua amempakiza mkewe Judith Mbega mwalimu wa shule ya msingi Mkambarani ambaye alifariki dunia na mumewe amejeruhiwa na kulazwa katika hospitali ya mkoa wa Morogoro ambapo amesema jeshi  la polisi litawachukulia hatua wananchi waliohusika kufanya vurugu za kufunga barabara.

JIUNGE NA EDMO BLOG SASA

Usipitwe!! Jiunge nasi kupitia Facebook,Twitter na Instagram ili kupata habari zote za town! Usikose kujiunga na Youtube kuangalia video zote kali kutoka Edmo Blog Pekee!, kujiunga bonyeza hapa>>>Youtube

Tupe Maoni Yako lakini Usiandike Matusi