Stori: Mayasa Mariwata na Chande Abdallah MSANII
nyota wa filamu Bongo, Nice Mohammed maarufu kama Mtunisi amekiona cha
moto mahakamani baada ya kunyimwa dhamana na kutupwa mahabusu katika
gereza la Segerea jijini Dar es Salaam.
Msanii nyota wa filamu Bongo, Nice Mohammed maarufu kama Mtunisi.
Mtunisi alipandishwa katika Mahakama ya Mwanzo Manzese Sinza jijini
Dar es Salaam Jumatatu iliyopita, ambapo baada ya kusomewa shtaka lake
la kushambulia mwili, mtuhumiwa alikana na hivyo hakimu kuahirisha kesi
hiyo hadi Desemba 15 mwaka huu itakapotajwa tena.
Hata hivyo, Mtunisi alishindwa kupewa dhamana baada ya hakimu
kutoridhishwa na afya ya mwanamke huyo, Aziz ambaye anaugulia
nyumbani.
Katika hali nyingine, walinzi wa mahakama hiyo walionyesha
mizengwe mikubwa kwa waandishi wa habari hizi, kwa kuwazuia kuingia
ndani ya chumba cha mahakama wala kupiga picha, kwa madai kwamba sheria
zao haziruhusu.
Wakionekana kama waliopewa maelekezo maalum, waliwataka kupeleka
barua kutoka chombo chao cha kazi, kwani hata baada ya kuwakumbusha kuwa
zoezi hilo lilishafanyika siku za nyuma, badala ya kupekua mafaili yao
ili kuiona barua hiyo, waliwataka kwenda kuleta nakala ya barua
iliyoandikwa awali, zoezi ambalo lilikuwa gumu kutokana na muda.
Posts
