JESHI la Polisi mkoani hapa, linawashikiliwa watu wawili wakazi wa
Murubona Wilayani Kasulu kwa tuhuma za mauaji ya watu wawili akiwemo
askari.
Kamanda wa Polisi Mkoa wa Kigoma, Jaffar Mohamed, aliwataja watuhumiwa hao kuwa ni Hassani Mussa na Moshi Mussa.
Kamanda Mohamed, alisema kuwa watuhumiwa hao walikutwa na silaha aina
ya bastola yenye namba ANC 71T 3818 ikiwa na risasi sita na vocha za
mitandao mbalimbali ya simu zinazosadikiwa kuporwa katika duka la
Fredrick Joseph, Septemba 30 mwaka huu.
Alisema katika mahojiano ya awali, watuhumiwa hao walikiri kuhusika
na mauaji ya Winfrida Evarist mkazi wa Murusi na Askari Polisi
yaliyotokea Sikonge mkoani Tabora.
Kamanda Mohamed, alitoa wito kwa wananchi kuendelea kutoa ushirikiano katika kufichua wahalifu ili kukomesha vitendo hivyo.
Posts
