Matukio ya mauaji yameendelea kuukumba mkoa wa Shinyanga ambapo huko katika mtaa
wa Majengo Mapya Mjini Shinyanga, mfanyakazi wa ndani, Eliwaza Damiano
(15) ameuawa kwa kunyongwa kwa kutumia nguo aina ya khanga katika
chumba chake cha kulala katika nyumba ya muajiri wake.
Tukio
hilo limetokea jana majira ya saa moja usiku ambapo mfanyakazi huyo wa
ndani wa alikutwa ameuawa kwa kunyongwa na watu wasiojulikana ambao pia
waliiba kompyuta mpakato(Laptop) moja,mkoba wa mkononi ukiwa na shilingi 20,000/= kisha kutokomea kusikojulikana.
Jeshi
la polisi mkoani Shinyanga limethibitisha kutokea kwa tukio hilo,na
kamanda wa polisi Justus Kamugisha amesema mwili wa marehemu
uligunduliwa na muajiri wake Elizabeth Joseph (38) ambaye ni mfanyakazi
wa benki ya CRDB tawi la Shinyanga mjini ambaye baada ya kutoka kazini alimkuta mfanyakazi wake ameuawa.
Kamanda
Kamugisha ameongeza kuwa katika uchunguzi wa awali umeonyesha kuwa
marehemu aliuawa kwa kunyongwa na khanga shingoni na watu wasiojulikana.
Na Kadama Malunde-Malunde1 blog-Shinyanga
Posts
