MWITIKIO WA WANANCHI TANDALA MAKETE KUCHUKUA FOMU ZA KUUNGANISHIWA UMEME SI WA KURIDHISHA

Imeelezwa kuwa mradi wa umeme katika kata ya Tandala na vijiji vilivyopitiwa na  mradi huo Wilayani Makete Mkoani Njombe vitaanza kunufaika na mradi huo pindi baadhi ya vifaa vya kukamilisha mradi huo vitakapowasili

Akizungumza na Kitulo fm Meneja wa Shirika la Umeme Tanzania TANESCO Wilaya ya Makete Bw. Zebedayo Gadau amesema tayari mradi huo uko katika hatua za mwisho na kinachosubiriwa ni baadhi ya vifaa vya kuunganisha umeme kwenye “Service line” ambapo amesema  muda wowote vifaa hivyo vikifika watu  wataingiziwa umeme majumbani mwao

Aidha Bw. Gadau ametoa wito kwa wakazi wa Kata  ya Tandala kujitokeza kuchukua fomu za kujiunga na huduma za kuingiziwa umeme majumbani kwani amesema mpaka sasa ni watu 60 tu kati ya wakazi 2000 wanaishi katika Kata ya Tandala na vijiji vilivyopitiwa na Mradi huo

Kwa upande wake Diwani wa kata ya Tandala Mh. Eginatio Mtawa amesema pamoja na jitihada za Serikali kupeleka umeme katika kata ya Tandala lakini bado wananchi wamekuwa na mwitikio mdogo katika ujazaji  wa fomu za kujiunga na huduma ya kuingiziwa umeme ambapo amesema ni watu 60 tu walio jaza fomu kati ya wakazi 2000.

Hata hivyo baadhi ya wananchi wamekuwa na mtazamo  tofauti kuhusu kucheleweshwa kwa kuunganishiwa umeme majumbani mwao  kuwa ni pamoja na mambo ya kisiasa na kwamba mradi huo wanaamini utakamilika kipindi cha kampeni za uchaguzi nasio sasa .

Kata ya Tandala ni miongoni mwa kata yenye taasisi mbalimbali kama vile Hospitali ya Mission Ikonda inayo pokea wagonjwa wengi kutoka sehemu mbalimbali nchini pamoja na Chuo cha Ualimu Tandala kinachopokea waNafunzi kutoka sehem mbalimbali.

 

Na Aldo Sanga

JIUNGE NA EDMO BLOG SASA

Usipitwe!! Jiunge nasi kupitia Facebook,Twitter na Instagram ili kupata habari zote za town! Usikose kujiunga na Youtube kuangalia video zote kali kutoka Edmo Blog Pekee!, kujiunga bonyeza hapa>>>Youtube

Tupe Maoni Yako lakini Usiandike Matusi