Mkuu wa Mkoa wa Mara Bw John Gabriel Tuppa akiongoza waombolezaji
MKUU wa mkoa wa Mara Mheshimiwa John Gabriel Tuppa ameongoza maelfu ya
Wananchi wa Mji wa Musoma kupokea mwili wa Shekh wa Mkoa wa Mara
Athumani Magee aliyefariki dunia usiku wa januari 28 katika hospitali ya
Taifa Muhimbili alipokuwa akipatiwa matibabu.Shekh Athumani Magee alifikwa na mauti baada ya kuugua kwa muda na mrefu na kupatiwa matibabu katika hospitali ya rufaa Bugando kwa muda kabla ya kuhamishiwa Muhimbili kwa uangalizi zaidi na akiwa njiani kupelekwa nchini India kwa matibabu zaidi.
Baadhi ya waumini wa dini ya Kiislam waliokuwepo kwenye uwanja wa ndege Musoma wakiusubiri mwili wa shekh Magee wamesema wamepata pigo kubwa kufuatia msiba huo kutokana na Shekh kuwa mstari wa mbele katika kuhimiza masuala ya dini.
Shekh wa mkoa wa Mara anatarajiwa kuzikwa leo kabla ya swala ya adhuhur katika makabari ya Musoma Bus mjini Musoma.
Na Augustine Mgendi
Posts
