WIZARA YA MALIASILI NA UTALII YALIONYA GAZETI LA DIRA YA MTANZANIA KWA KUCHAPISHA HABARI YA UPOTOSHAJI

Photo: MJUE PUNDAMILIA

Pundamilia ni nyama ambaye kwa lugha ya kitaalamu anajulikana kama 'equids' na kwa kiingereza anajulikana kama 'Zebra' .Pundamilia ni mnyama mkubwa mithili ya ng'ombe.Uzito wake ni taklibani kilogram 300 na uwezo wa kuishi ni miaka kama 20.Ana uwezo mkubwa wa kusikia,kuona na kukimbia kwa haraka kiasi cha kilometer 65 kwa saa.

Pindamilia ana miguu myembamba na mirefu kiasi,ambayo humuwezesha kutembea kwa urahisi na kukimbia.Ni mnyama jasiri asiyeogopa kupambana na adui zake kwa mateke.Adui wa pundamilia mara nyingi ni Simba,Fisi,Mbwa mwitu na Binadamu ambaye humwinda kwa ajili ya nyama na ngozi.

Mnyama huyu ana miraba mingi myeusi ya mkato usoni na miguuni.Pundamilia ana nywele ndefu kati ya masikio na ukwato mmoja kama wa Farasi na kihongwe ambao ni jamii yake.

Mistari ya Pundamilia humsaidia kujificha kutokana na maadui zake.Inaweze kuwa rahisi sana kumuona Pundamilia katika maeneo ya kawaida ya binadamu,lakini awapo porini hasa kukiwa na mwanga mwingi au giza si rahisi kwa adui kumuona kwa urahisi.

Mistari hiyo ambayo hutofautiona kutoka Pundamilia mmoja hadi mwingine huhuisha ulinzi dhidi ya maadui zake ambao adui huyo hawezi kumchukua Pundamilia mmoja katika kundi lake kwa urahisi.Kwa sababu huonekana kama wanafanana sana.

inasemekana chimbuko la pundamilia hasa ni kusini mwa Afrika na wao hupendelea zaidi kuishi kwenye maeneo ya mbuga na nyika.Pundamilia ni mnyama anaependa umoja na ushirikiano nawanyama wengine.Mara nyingi utamkuta na Swala,Twiga,Nyumbu n.k.

Pundamilia jike huchukua mimba akiwa na umri wa miaka mitatu na baada ya mwaka mmoja ndama wa pundamilia huwa amezaliwa.

Tabia ya kushangaza ya mnyama huyu,hupendelea kuishi katika familia yenye Pundamilia (5) watano hadi Ishirini(20) ambapo ,Pundamilia dume moja na majike kadhaa pamoja na Pundamilia wadogo huishi pamoja.Dume ndilo huwa na dhamana ya kuilinda familia hiyo na maadui.

Pundamilia ni mnyama mpole,mtulivu,mwenye huruma na ushirikiano.Mmoja wao akiugua na kushindwa kutembea kwa haraka ,kundi la familia hiyo hupunguza mwendo ili kuenenda pamoja na mwenzao ambaye ni mgonjwa.Aidha mmojawapo anapopotea familia hiyo huchukua jukumu la kumtafuta kwa siku kadhaa.

Hata hivyo,familia zenye pundamilia watano hadi 20 huungana na familia nyingine na kufanya kundi kubwa na kila kundi huwa na mpangilio wake.Pundamilia wazee hushabihiana kwa kiasi kikubwa lakini madume na majike mara nyingi hutengana na familia zao na kuunda familia nyingine.Aidha baadhi ya Pundamilia dume ambao hawana familia huungana na kuunda kundi la 'makapera'.

Pundamilia huwa makini sana wakati wa mchana,wakati wa usiku hupendelea kula sehemu zenye nyasi fupi ili kujikinga na maadui.Hutumia muda kama saa moja hivi kula na kutembeatembea.Wakiwa katika mapumziko baadhi ya Pundamilia hulala na mmoja hubakia kasimama akiwalinda wenzake na maadui ambao wanaweza kujitokeza.

TUSHIRIKIANE KUWALINDA WANYAMA NA KUYALINDA MAZINGIRA.

JAMHURI YA MUUNGANO WA TANZANIA
WIZARA YA MALIASILI NA UTALI

TAARIFA KWA UMMA
Gazeti la kila wiki la Dira ya Mtanzania toleo la, Jumatatu, 18 Novemba, mwaka 2013, limechapisha habari yenye kichwa cha habari, “Siri nzito ya Kagasheki yagundulika na Mwandishi Sophia Yamola”.

Katika habari hiyo, Gazeti hili linadai kuwa Balozi Kagasheki ambaye ni Waziri wa Wizara ya Maliasili na Utalii anaudanganya umma katika wimbi la kamatakamata ya Shehena ya Meno ya Tembo na kuwa ni usanii mtupu kwani ametengeneza mchezo wa sinema na kuonesha meno ya zamani lengo ili aonekane anakamata.

Aidha, Gazeti hili linadai kuwa taarifa za makala hayo zimetolewa na mtumishi wa wizara ambaye anafahamu udhaifu wote katika idara ya wanyamapori na kudai kuwa haina uwezo wa watumishi, bajeti na vitendea kazi. Katika makala hiyo zimetolewa takwimu kuimarisha hoja hiyo. Tunapenda kuufahamisha kuwa habari hizo si za kweli. Ni uongo unaolenga kuupotosha umma na kubeza juhudi za Serikali katika vita dhidi ya ujangili na kuichafua wizara kwa umma ili zoezi zima la kupambana na ujangili lionekane halina maana na analiita kuwa ni usanii mtupu.

Mheshimiwa Waziri Balozi Kagasheki (Mb) na Wizara kwa ujumla yuko makini na kazi yake na hafanyi dhihaka wala utani katika masuala mazito ya kitaifa. Aidha Vita dhidi ya ujangili ni vita halisi na inaendeshwa na Serikali kwa kutumia vyombo vyote vya ulinzi na usalama. Ni zoezi makini, lina Baraka zote za Rais na Amiri Jeshi Mkuu na si kazi ya mtu mmoja au Waziri peke yake.

Tunapenda kufahamisha umma kuwa zoezi hili ni ghali na linaendeshwa kwa kutumia pesa za walipa kodi kwa manufaa ya Taifa. Wizara hii imepewa dhamana ya kulinda na kuhifadhi wanyamapori kwa niaba ya watanzania na ulimwengu kwa ujumla kwa faida ya Kizazi cha sasa na kwa vizazi vijavyo. Hili ni jukumu kubwa na Wizara ipo makini kutekeleza jukumu hilo. Kazi inayoendelea ya kutokomeza ujangili ni nzito, ni dhahiri, ni nyeti na Juhudi hizi hazipashwi kubezwa. Kwa Mhariri makini na Mzalendo hakupashwa kuandika Makala dhaifu isiyozingatia taaluma kwa kutoa takwimu ambazo hazina ukweli wala mashiko.

Wizara inaomba wananchi kuipuuza makala hiyo na waendelee kutoa ushirikiano kwa kutoa taarifa za kuwezesha kubaini na kukamata majangili na hatimaye kutokomeza mtandao wa ujangili.

C.K. Rumisha
Msemaji wa Wizara
19/11/2013

JIUNGE NA EDMO BLOG SASA

Usipitwe!! Jiunge nasi kupitia Facebook,Twitter na Instagram ili kupata habari zote za town! Usikose kujiunga na Youtube kuangalia video zote kali kutoka Edmo Blog Pekee!, kujiunga bonyeza hapa>>>Youtube
Tupe Maoni Yako lakini Usiandike Matusi