Wanafunzi hao
kutoka shule ya upili ya Kagio walipatikana na lita tano za petroli na
ambayo ilikuwa itumike kutekeleza uhalifu huo.
Walionaswa ni wanafunzi wa kidato cha nne na ambao wako kati ya miaka 17 na 18.
Kwa mujibu wa
afisa mkuu wa polisi wa eneo hilo Bw Paul Odende, maafisa hao
walifahamishwa na baadhi ya wanafunzi waliokeketwa na njama hiyo.
“Tulipata
habari kuwa kuna baadhi ya wanafunzi waliokuwa na nia ya kuchoma shule
yao. Ndipo tuliingia mahali hapo na kwa uhakika tukanasa washukiwa hao,”
akasema.
Bw Odende
alisema kuwa bada ya kuwahoji washukiwa hao ilibainika kuwa walikuwa
wateketeze baadhi ya majengo ya shule hiyo ndipo wapate kupewa ruhusa ya
kwenda nyumbani kabla ya kalenda ya Muhula.
“Wanafunzi
hao walikuwa wamepanga wazue hali ya taharuki katika shule hiyo bada ya
kumaliza mtihani wao wa mwisho wa muhula ili wafurushwe mapema kutoka
shuleni,” akasema.
Afisa huyo
alisema kuwa tayari uchunguzi wa kina umeanzishwa kubaini kama kulikuwa
na mchango wa watu wengine kutoka nje ya jamii ya shule hiyo.
“Katika visa
kama hizi, utapata kuwa huwa na ushawishi wa watu wengine ambao sio
wadau wa shule inayolengwa na uhalifu wa aina hii. Tungetaka kujua
aliyeuza petroli hiyo na kama ni wanafunzi waliiendea,” akasema.
Hatua
Bw Odende
alisema kuwa tayari majadiliano yanaendelea yakihusisha wadau wa shule
hiyo ili kubaini hatua itakayochukuliwa washukiwa hao.
“Ni vyema
ieleweke kuwa hatua yoyote ambayo tutawachukulia washukiwa hao ni lazima
iwe imeidhinishwa na wadau wa shule. Lakini kwa uhakika ni kuwa
watafikishwa mahakamani kujibu mashtaka ya kupanga njama ya kutekeleza
uhalifu,” akasema.
Aidha, alisema uchunguzi zaidi unafanywa ili kubaini kama kuna utumizi wa mihadarati katika shule hiyo.
“Mihadarati
imekuwa kiini kikubwa katika utovu wa nidhamu katika baadhi ya mashule
hapa nchini. Tungetaka kujua kama ni mojawapo ya kishawishi cha kupanga
njama hiyo ikizingatiwa kuwa labda hata wangechoma wenzao katika
mabweni,” akasema.
Posts
