HII FOLENI YA MAGARI NI KIBOKO

Wakazi wa maeneo ya Kibamba, Mbezi na Kimara jijini Dar es Salaam wanaotumia barabara ya Morogoro kuelekea maeneo yao ya kazi leo wamejikuta katika wakati mgumu baada ya kushindwa kufika kazini kwa wakati kutokana na msongamano mkubwa wa magari katika barabara hiyo.

Msongamano huo wa magari ambao umechangiwa kwa kiasi kikubwa na mvua pamoja na ujenzi wa barabara ya Morogoro katika eneo la Ubungo umesababisha abiria wanaoishi maeneo hayo ambao hutumia muda wa saa moja kuelekea posta kulazimika kutumia zaidi ya saa tatu wakiwa katika msongamano huo.

 
Baadhi ya watumiaji wa barabara hiyo wameiomba kampuni ya ujenzi ya STRABAG inayoendesha ujenzi huo kufanya kazi zake nyakati za usiku ili kupunguza adha kwa watumiaji wengine wa barabara.

 
Msongamano huo wa magari umekuwa neema kwa madereva wa pikipiki wanaobeba abiria maarufu kama bodaboda ambao wamejipatia abiria kwa wingi waliokuwa wakiwahi kazini na kukwepa msongamano huo.

CHANZO:http://www.cloudsfm.co/profiles/blogs/watumiaji-wa-barabara-ya-morogoro-wakazi-wa-mbezi-kimara-wamejiku

JIUNGE NA EDMO BLOG SASA

Usipitwe!! Jiunge nasi kupitia Facebook,Twitter na Instagram ili kupata habari zote za town! Usikose kujiunga na Youtube kuangalia video zote kali kutoka Edmo Blog Pekee!, kujiunga bonyeza hapa>>>Youtube

Tupe Maoni Yako lakini Usiandike Matusi