Mgambo wenyewe
Mshauri wa mgambo wilaya ya Makete Bw. Mfuse
Mgambo akisoma risala kwa mgeni rasmi
Mkuu wa wilaya akigawa vitambulisho kwa mgambo
Mkuu wa wilaya ya Makete Josephine Matiro(wa pili kulia) akicheza muziki na mgambo hao
Mkuu wa wilaya ya Makete Josephine Matiro
Imeelezwa kuwa mgambo wanatakiwa kuwa raia wema na ni chombo ambacho hakitakiwi kunyanyasa ama kubugudha raia kwani ni njia mojawapo itakayoongeza imani kwa jamii juu ya chombo hicho
Hayo yamesemwa na Mkuu wa wilaya ya Makete ambaye pia ni kamanda wa mgambo wilaya Mh. Josephine Matiro wakati akifunga rasmi mafunzo ya mgambo wilaya ya Makete hii leo katika uwanja wa joshoni kata ya Iwawa wilayani hapo
Amesema inasikitisha kuona wanamgambo ambao wanatakiwa kulinda raia na mali zao pamoja na kudhibiti vitendo vya kihalifu katika maeneo yao
“Unajua ninyi ni watu muhimu sana
Amesema suala la mgambo lipo na linatambulika kisheria huku akiwasisitiza kutokatishwa tama na mtu yeyote kuwa kazi ya mgambo haifai na haina maslahi yeyote kwa jamii hivyo wasijihusishe nayo na badala yao waongeze juhudi ya kupambana na vitendo vya kihalifu katika maeneo yao
Katika hatua nyingine mkuu huyo amesisitiza umuhimu wa kufungua kambi ya vijana kwa lengo la kuzidi kuwaweka pamoja huku pia akiwataka kuomba nafasi mbalimbali za kazi zenye sifa za mgambo pindi zinapotangazwa wilayani hapo kwa kuwa watapewa kipau mbele
Akisoma risala kwa niaba ya wenzao mbele ya mgeni rasmi mmoja wa mgambo hao Bw. Aldo Sanga amesema wamefurahia mafunzo hayo ingawa yalikuwa na changamoto za hapa na pale lakini wamefanikiwa kufuzu
Amezitaja changamoto hizo kuwa ni pamoja na kuwepo kwa vitendo vya rushwa vilivyotolewa na baadhi ya watu ili wasishiriki mafunzo hayo, rushwa na upendeleo wakati wa ajira mara baada ya kufuzu mafunzo pamoja na baadhi ya wanajamii wengi kuwadharau mgambo hao hasa wakati walipokuwa wakishiriki mafunzo hayo
Akitoa taarifa fupi mbele ya mgeni rasmi Mshauri wa mgambo wilaya, Afisa mteule daraja la pili Bw. Mfuse amesema katika kituo cha Iwawa walijiandikisha watu 137 lakini hadi wanahitimu hii leo walikuwa 85 wanawake 12 na wanaume 73
Amesema wakati wa mafunzo hayo ya miezi mine walifundishwa mbinu mbalimbali za kijeshi, masomo ya uraia na matumizi ya silaha na walishiriki shughuli za kijamii ikiwemo kuchimba choo cha kijiji pamoja na kushiriki kuzima moto kichaa
Hali kadhalika mkuu huyo alifunga mafunzo hayo kwenye kituo cha Tandala ambapo waliojiandikisha walikuwa 63 na hii leo wamehitimu 37 wakike 2 na wakiume 35
Posts
