Kijana aliyeuawa kwa kupigwa fimbo 70 azikwa

Mwili wa Kijana Nelson Mollel ambaye alifariki dunia katika Kata ya Moivo, Sanawari Wilayani Arumeru Mkoani Arusha kwa madai ya kuchapwa fimbo 70 za jamii ya Kimaasai hatimaye umezikwa  Jumatatu, Januari 16, 2023.

Nelson alipigwa fimbo hizo kwa madai ya utovu wa nidhamu ikiwemo kumtukana mama yake mzazi na kumkana.

Vijana wengi ambao ni marafiki wa marehemu wamejitokeza kumsindikiza mwenzao huku familia yake ikishangaa kitendo cha vijana hao walipokuwa wanazika kwa kutumia mikono badala ya kutumia beleshi (sepetu).

Richard Mollel ambaye ni Mzee wa Ukoo wa familia amesema vijana hao wametoa taswira mbaya na kufanya fedheha kwa kuwa familia haiwafahamu vijana hao.

Kwa upande wake, Kamanda wa Polisi Mkoa wa Arusha, Kamishina Msaidizi wa Polisi ACP. Justine Masejo amesema Jeshi la Polisi wanachunguza tukio hilo na kuwasaka wote waliohusika ili kufikishwa kwenye vyombo vya dola.

JIUNGE NA EDMO BLOG SASA

Usipitwe!! Jiunge nasi kupitia Facebook,Twitter na Instagram ili kupata habari zote za town! Usikose kujiunga na Youtube kuangalia video zote kali kutoka Edmo Blog Pekee!, kujiunga bonyeza hapa>>>Youtube

Tupe Maoni Yako lakini Usiandike Matusi