Wasanii wanaohamasisha matumizi ya Dawa za kulevya kukiona

Mamlaka ya Kudhibiti na Kupambana na Dawa za Kulevya (DCEA), imewaonya Wasanii wa Tanzania wanaohamasisha matumizi ya dawa za kulevya ikiwemo bangi kupitia tungo za nyimbo zao, na kudai kuwa itawachukuliwa sheria dhidi ya vitendo hivyo.

Onyo hilo limetolewa na Kamishna Jenerali wa Mamlaka ya Kudhibiti na Kupambana na Dawa za Kulevya, Gerald Kusaya wakati akiongea na Waandhishi wa Habari hii le Desemba 7, 2022 jijini Dar es Salaam.

Amesema, “Kuna Wasanii wanahamasisha matumizi ya Dawa za Kulevya ikiwemo bangi, kama wanadhani badala ya kutunga nyimbo za kuhamasisha Jamii wao wanatunga nyimbo za kuhamasisha matumizi ya dawa za kulevya, tutawachukulia hatua.”

Kamishna Jenerali Kusaya ameongeza kuwa, “Kama kuna Msanii anadhani anaweza kupata umaarufu kwa kupitia nyimbo za kuhamasisha matumizi ya dawa za kulevya hatutomuacha, sheria itachukua mkondo na ipo siku nitawaita ili muone kitu gani tumekifanya kwa Wasanii wanaotaka kupata umaarufu kwa kutumia Dawa za Kulevya.”

JIUNGE NA EDMO BLOG SASA

Usipitwe!! Jiunge nasi kupitia Facebook,Twitter na Instagram ili kupata habari zote za town! Usikose kujiunga na Youtube kuangalia video zote kali kutoka Edmo Blog Pekee!, kujiunga bonyeza hapa>>>Youtube

Tupe Maoni Yako lakini Usiandike Matusi