Makachero kutoka kitengo cha upelelezi wa jinai DCI wamefanikiwa kumkamata mtu ambaye alionekana kwenye video ya kusumbua akili akimnywesha mtoto pombe kali.
Katika taarifa ya hivi punde ambayo DCI wamechapisha kwenye mitandao yao ya kijamii, walisema watu hao ambao walionekana kwenye video iliyosambazwa siku ya Krismasi wakimnywesha mtoto mdogo wa miaka 3 pombe kali wametiwa mbaroni.
Video hiyo ilipakiwa na aliyekuwa gavana wa Nairobi ikimuonesha mtu huyo akimlazimisha mtoto kunywa pombe, video ambayo ilikuwa inasumbua akili mno na makachero hao walilivalia njuga suala hilo na kuanzisha uchunguzi wa kidijitali ili kubaini watu hao waliokuwa awkimdhulumu mtoto mdomo walikuwa maeneo gani ya humu nchini.
“Operesheni ya siri ya kuwakamata washukiwa ilianzishwa na alfajiri ya leo, Edward Ndirangu Muhuka, 22 na Abdulmajid Hassan Arafat, 19, walichukuliwa kutoka usingizini katika mashamba ya Thindigua na Pangani mtawalia,” DCI walisema.
Tangu wakati huo wapelelezi wamegundua kuwa wawili hao walikuwa wametoka tu kuvizia kwenye karamu ya Krismasi ambapo rafiki yao wa pande zote alikuwa amealikwa na kwenda kustarehesha kuwakaribisha, na walitenda kwa unyama baada ya kiwango cha wema waliyokuwa wameonyeshwa.
Mama wa mtoto mdogo ambaye alistaafu kulala mapema baada ya kuwahudumia wageni wake alishtuka baada ya kuamshwa saa 2 asubuhi na marafiki waliokuwa na wasiwasi, ambao waliona kanda ya video inayovuma na kushiriki naye.
“Wawili hao wamefikishwa katika mahakama ya Kiambu ambapo mshtakiwa wa kwanza alikiri hatia na mshtakiwa wa pili kukanusha mashtaka kwa shtaka la kushindwa kumlinda mtoto dhidi ya dawa za kulevya kinyume na kifungu cha 24 (1) cha Sheria ya Mtoto Na. 29 ya 2022,” DCI waliarifu.
Kesi hiyo itatajwa tena January 18 wakati uchunguzi kamili utakuwa umekamilika. Mshukiwa wa pili aliyekanusha mashtaka aliachiliwa kwa thamana ya shilingi laki mbili pesa taslimu.
Posts
