Rais John Magufuli amefunguka na kumpongeza Mbunge wa Liwale kupitia Chama cha Wananchi (CUF), Zuberi Kuchauka na kusema huyo ndiye Mbunge wa upinzani na kudai kuwa upinzani unatakiwa kushirikiana na kupongeza pindi serikali inapofanya jambo fulani
Rais Magufuli amesema hayo leo Oktoba 30, 2017 akiwa kwenye uzinduzi wa daraja la watembea kwa miguu la Furahisha lililopo Ilemela Mwanza ambapo Mbunge huyo wa Liwale alikuwepo kwenye uzinduzi wa daraja hilo.
"Huyu ni Mbunge wa CUF anatoka Liwale kule Lindi lakini ni wa chama cha CUF ni mtu mwema sana, hivi ndivyo siasa za Tanzania zinapaswa kuwa mahali unapotakiwa kupongeza pongeza siyo kila mahali hata panapostahili kupongezwa wewe unabaki kupinga huo unakuwa uzito wa mambo fulani fulani kichwani kwa hiyo mimi nakupongeza sana Mhe. tunatakiwa kwenda kwa mstari huo wenzetu CUF wakifanya vizuri tunawapongeza ni kama hatua mnazozichukua CUF za mabadiliko tunazipongeza na sisi wanatupongeza kwa hatua tunazozifanya" alisema Rais Magufuli
Mbali na hilo Rais Magufuli amemtaka Mbunge huyo kumfikishia salamu kwa wananchama wa CUF na kusisitiza kuwa wao wanawapongeza kwa mabadiliko wanayofanya ndani ya chama hicho ambayo yanaleta umoja wa kweli kwenye maendeleo ya Watanzania.
Posts
