Jumla ya wazazi
watano wa wanafunzi katika shule ya sekondari ya Mang'oto kata ya Mang'oto wilayani Makete mkoani Njombe
wanashikiliwa kwa tuhuma za watoto wao kuwa watoro shuleni
Akizungumza na Eddy Blog kuhusiana na tukio hilo, Afisa mtendaji wa kata ya Mang'oto Bw. Mengi
Chalamila amesema wazazi hao wamekamatwa juzi na tayari amewakabidhi mikononi
mwa jeshi la polisi kwa hatua zaidi za kisheria
Amesema licha ya
halmashauri kutoa waraka wenye kuelekeza kuwakamata wazazi ama walezi wa
wanafunzi watoro shuleni na wakiwemo pia wajawazito, kwa kata yake ameanza
utekelezaji huo kabla ya waraka, ambapo licha ya wazazi hao kuitwa ofisini bado
mabadiliko yamekuwa hayaonekani jambo lililomlazimu kuchukua hatua za
kuwakamata na kuwafikisha polisi kwa hatua zaidi za kisheria
Wilaya ya Makete inaendesha operesheni ya kuwasaka wanafunzi watoro na wale wenye ujauzito pamoja na wanaojihusisha kimapenzi na wanafunzi ambapo watuhumiwa wote wanafikishwa mahakamani kujibu tuhuma zinazowakabili
Posts
