POLISI Mkoani
Mbeya, inamshikilia mtanzania mmoja Hamis Mwakalinga(29) mkazi wa eneo la
Soweto Jijijini Mbeya, kwa tuhuma za kuwapokea na kuwasafirisha wahamiaji
haramu 17.
Akizungumza
jijini Mbeya Kamanda wa Polisi Mkoa wa Mbeya, Ahmed Msangi amesema tukio hilo
limetokea jana majira ya saa saba mchana eneo la Mwanjelwa stendi ya Tukuyu
Kata ya Ruanda Jijini Mbeya.
Amesema, polisi
walipata taarifa ya kwamba mtanzania huyo yupo na wageni kutoka nje kwenye eneo
hilo akihangaika kuwasfirisha.
Amesema mara
baada ya kupata taarifa hizo Polisi waliweka mitego na baadaye kumbaini
mtuhumiwa huyo akiwa na wahamiaji haramu hao.
Kamanda Msangi,
amemtaja mmoja wa raia hao kuwa ni Nyabeda Samsoni (32) ambaye alikuwa na
wenzake 16.
Aidha, amesema
kuwa wahamiaji haramu hao tayari wamekabidhiwa kwenye mamlaka husiaka ya
uhamiaji.
Hata hivyo,
Kamanda Msangi ameiomba jamii kuondokana na tamaa zisizokuwa na ulazima kwani
kitendo cha kuwapokea raia wakigeni kwa kificho kinaweza kikaligharimu Taifa.
Posts
