Na Diana Rubanguka, Kigoma.
MWANAFUNZI wa chuo cha Ualimu Tabora
amekutwa amejinyonga katika eneo la Burega lililopo katika Halmashauri ya
Manispaa ya Kigoma Ujiji Mkoani Kigoma.
Akitoa taarifa kwa waandishi wa habari
Kamanda wa Polisi Mkoa wa Kigoma Freisser Kashai amesema kuwa mnamo Julai 31
mwaka huu majira ya saa 3:30 asubuhi katika eneo hilo mwanafunzi huyo alikutwa
amejinyonga kwa kutumia kamba ya nailon akiwa chumbani kwake.
Kamanda Kashai alimtaja Marehemu kuwa
ni Moses Iddi (28) Mnyamwezi ambapo baada ya tukio hilo alifariki dunia bila
kupata msaada wowote
Amesema kuwa chanzo cha kujinyonga
kwake ni kutokana na matokeo mabaya ya mtihani wake wa kumaliza kozi ya
ualimu daraja A katika chuo hicho kilichopo Mkoani Tabora.
Kamanda kashai alisema kuwa awali kabla
ya kujinyonga aliacha ujumbe wa maandishi uliosema kuwa kifo chake kisihusishwe
na mtu yeyote.
Posts
