KIJANA mmoja
Evasto Jamshindi (19) mkazi wa kijiji cha Ndola kata ya Mwaya wilayani Kyela
amekufa baada ya kutumbukia kwenye mto Mbaka alipokuwa akivuka kwenye daraja la
miti akiwa na baiskeli na hii ilitokana na kunywa pombe nyingi kuzidi kiasi
Akithibitisha
kutokea kwa tukio hilo mwenyekiti wa kijiji hicho cha Ndola Teddy Mwakapyela ni kuwa kijana huyo
aliangukia mtoni siku ya alhamisi wiki iliyopita majira ya saa tatu usiku
alipokuwa akitoka ulevini katika kijiji cha Ilopa akiwa na mwenzake Mark
Mwanyalala na zoezi la kumtafuta marehemu ilidumu kwa muda wa siku nne
Alisema kuwa
baada ya taarifa kufika kijijini kwao juu ya hilo wao walitoa taarifa polisi na
kuanza msako wa kuutafuta mwili wa marehemu majini hadi katika ziwa Nyasa
wakidhani kuwa huenda maji yakawa yamempeleka huko lakini bila ya mafanikio
Mwenyekiti huyo
wa kijiji alisema kuwa jana majira ya saa nane mchana walipata taarifa kutoka
kwa raia wema baada ya kuuona mwili wa binadamu ukielea majini katika mto mbaka
na ndipo walipokwenda kuutizama na kuuona kuwa ndiyo ule mwili wa marehemu
waliokuwa wakiutafuta na kwenda kutoa
taarifa polisi
Alidai kuwa
baada ya kuuopoa mwili wa marehemu majini waliukuta mwili huo ukiwa na baadhi
ya majeraha ambayo yalianza kuwapatia maswali ya nini kilichopelekea mwili huo
kupata majeraha
Mganga aliyeufanyia
uchunguzi mwili huo wa marehemu Nsubiri Mwansule alisema kuwa kifo cha
marehemu kimetokana na kunywa maji mengi baada ya kutumbukia majini na kuwa
mpaka jana walipomuokoa majini alikua akitoka maji mengi kutoka tumboni
Alisema majeraha
ya marehemu waliyoyakuta mwilini yalitokana na msukumo wa maji yaliyopelekea
kujigonga kwenye mawe na visiki na kuwa kwa jinsi alivyokuwa amelewa ilikua ni
ngumu kwake kuweza kupambana na kasi hiyo ya maji ambayo yalikua yakienda kwa
kasi
Na Ibrahim Yassin
Posts
