Kwa kawaida mwaka unapoelekea ukingoni, makampuni mbalimbali yawe ya kiserikali ama ya kibinafsi wana njia yao ya kipekee ya kuwashukuru Wafanyikazi wao kwa jitihada za kuiweka kampuni yao kwenye ramani ya mafanikio mwaka wote.
Baadhi ya kampuni huandaa sherehe na tafrija kujumuika na wafanyikazi na kuwashukuru wa bidii kazini na mabosi wengine huwapa wafanyikazi zawadi nzuri za Krismasi kusherehekea na familia zao wakiuaga mwaka.
Nchini Marekani katika jimbo la Florida, tajiri mmoja mweney roho nzuri aliweka tabasamu na bashasha usoni mwa kijana mmoja mfanyikazi katika kampuni yake alipomtunuku gari la kifahari kama shukrani ya bidii yake kazini.
Hadithi hiyo ilisimuliwa kwenye mtandao wa Twitter na akaunti moja kwa jina Raphousetv ambao walisema kuwa kijana huyo mwenye asili ya Kiafrika alijawa na furaha isiyo kifani alipokabidhiwa funguo za hilo gari aina ya Falcon 1968.
Katika video ambazo zilipakiwa, kijana huyo na wenzake walionekana kusimama kando ya rundo la kuni ambapo tajiri wake aliwakaribia na kumkabidhi kijana wa watu ufunguo pamoja na hati ya gari lile rangi ya machungwa.
“Mwanaume wa Florida Alizawadiwa Gari Lake la Kwanza Siku ya Krismasi Kutoka kwa Meneja Wake Kwa Sababu Anafanya Kazi Kwa Bidii na Ana Tabasamu Usoni mwake,” Tweet hiyo ilisema.
Kijana huyo aling’aa kwenye picha na klipu ambapo alivalia fulana ya machungwa ili kuendana na safari yake mpya.
Mfanyakazi huyo alilifurahia gari lake jipya huku akiwa ameketi kwa furaha katika picha na video mbalimbali. Watu waliguswa na hadithi hiyo na kushiriki uzoefu wao wenyewe na wakubwa wao. Wanamtandao nao walimshangaa kijana huyo ambaye aliweza kupata gari lake la kwanza.
Wengine walisema kuwa tukio kama hilo huenda tu ni kutoka kwa mabosi wa ughaibuni pekee na kuwataja mabosi wa kiafrika kuwa bahili huku baadhi pia wakisema wamewahi tunukiwa zawadi na mabosi wao kwa njia ambayo hawakuwa wanatarajia kabisa.
JIUNGE NA EDMO BLOG SASA
Usipitwe!! Jiunge nasi kupitia Facebook,Twitter na Instagram ili kupata habari zote za town! Usikose kujiunga na Youtube kuangalia video zote kali kutoka Edmo Blog Pekee!, kujiunga bonyeza hapa>>>Youtube
Tupe Maoni Yako lakini Usiandike Matusi
.png)
Posts
