RAIS KIKWETE ATOA HOTUBA KILELE CHA MBIO ZA MWENGE WA UHURU MKOANI TABORA HII LEO

Rais wa jamhuri ya muungano wa tanzania Mhe.Dk. Jakaya Mrisho Kikwete amewataka watanzania kuwa wavumilivu wakati  serikali inapoandaa mchakato wa kura ya maoni juu ya katiba iliyopendekezwa,  huku akiwatahadharisha vijana kutotumika kwa masilahi ya wengine,  bali waangalie mstakabali wa maisha yao na malengo ya katiba.

Mhe. Rais ametoka kauli hiyo mkoani Tabora katika kilele cha mbio za mwenge wa uhuru, sambamba na kumbukumbu ya miaka 15 ya kifo cha muasisi wa taifa la Tanzania  hayati baba wa taifa Mwalimu Julius Kambarage Nyerere,  ambapo amesema kuwa, katiba inayopendekezwa ilelenga kutatua changamoto za vijana. 

 

Aidha akizungumzia kudumisha mbio za mwenge wa uhuru, mhe. Rais amesema kuwa, watanzania wataendelea kuwasha na kukimbiza mwenge wa uhuru unaowaangazia hata nchi jirani kwani uhuru wa nchi hizi umepatikana kwa namna moja ama nyingine kutokana na amani iliyopo hapa nchini, kutokana na baadhi ya viongozi wake kuhifadhiwa hapahapa nchini.

 

Aidha akizungumza kabla ya kukabidhiwa mwenge wa uhuru kutoka kwa wakimbiza mwenge kitaifa, waziri wa Habari, utamaduni vijana michezo mhe. Fenera Mkandala amesema kuwa, mwenge wa uhuru umekimbizwa kwa mafanikio ambapo miradi ya maendeleo 1451, yenye thamani ya zaidi ya shilingi bilioni 361, imezinduliwa na mingine kuwekewa mawe ya msingi.

Kiongozi wa mbio za mwenge 2014 Rachel Kassandra akikabidhi mwenge wa Uhuru kwa Rais Dkt.Jakaya Mrisho Kikwete wakati wa maadhimisho ya kilele cha mbio za mwenge ulius na kumbukumbu ya Baba wa Taifa Mwalimu Julius Nyerere zilizofanyika katika uwanja wa michezo wa Ali Hassan Mwinyi mkoani Tabora leo.Kulia ni Waziri wa Habari,Vijana,Utamaduni na michezo Dkt.Fenela Mkangara. 

 

Rais Dkt.Jakaya Mrisho Kikwete akiwa na mwenge wa Uhuru wakati wa maadhimisho ya kilele cha mbio za mwenge ziizofanyika mkoani Tabora leo.
 Rais Dkt.Jakaya Mrisho Kikwete akiwa katika picha ya pamoja na viongozi wa mbio za mwenge mwaka huu wakati wa maadhimisho ya kilele cha mbio hizo zilizofanyika katika uwanja wa michezo wa Ali Hassan Mwinyi mjini Tabora leo.

Rais Dkt.Jakaya Mrisho Kikwete akitoa hotuba yake wakati wa kilele cha mbio za mwenge 2014 ziilizofanyika katika uwanja wa michezo wa Ali Hassan Mwinyi mjini Tabora leo(picha na Freddy Maro)

JIUNGE NA EDMO BLOG SASA

Usipitwe!! Jiunge nasi kupitia Facebook,Twitter na Instagram ili kupata habari zote za town! Usikose kujiunga na Youtube kuangalia video zote kali kutoka Edmo Blog Pekee!, kujiunga bonyeza hapa>>>Youtube

Tupe Maoni Yako lakini Usiandike Matusi