MATESO ALIYOYAPATA MSANII YP KABLA YA KIFO CHAKE HAYA HAPA

MKE wa aliyekuwa memba wa Kundi la TMK Family, Yessaya Ambikile ‘YP’ aliyefariki katika Hospitali ya Temeke, jijini Dar, Sakina Robert amefungukia mateso aliyopitia mumewe hadi umauti ulipomkuta usiku wa Oktoba 20, mwaka huu.

Akizungumza na waandishi wetu nyumbani alipokuwa akiishi na marehemu, Keko jijini Dar, Sakina alisema mumewe ameteseka kwa muda mrefu akisumbuliwa na ugonjwa wa kifua kikuu ambapo alitibiwa na kumaliza dozi kabla ya kuugua ugonjwa wa Pneumonia ambao ndiyo uliomsababishia kifo chake.

Sakina alisema, awali YP alikuwa akilalamika kubanwa na kifua kiasi cha kupumua kwa tabu hivyo akashirikiana na familia ya mumewe kumkimbiza hospitali kwa ajili ya matibabu.

“Mwezi wa tatu mwaka huu, YP aligundulika na ugonjwa wa kifua kikuu na tayari alianza matibabu, alimaliza dozi mwezi wa tisa na hali yake ghafla ikabadilika na kuanza kubanwa na kifua. Tulimpeleka Hospitali ya Temeke, Oktoba 19 mwaka huu na akaonekana ana Pneumonia, Oktoba 20 usiku ndipo akafariki,” alisema mke wa marehemu kwa uchungu.

Meneja wa Kruu ya TMK Family, Said Fella aliyeambatana na rafiki wa karibu wa marehemu Said Chigunda ‘Chegge’ alimuelezea YP kama shujaa, aliyekuwa tayari kupambana muda wote na kuongeza kuwa YP alifariki wakati akiwa bado hajamaliza kurekodi ngoma yao iliyopewa jina la Wazee wa Jiji waliyofanya na Kundi la Tip Top Connection.

Enzi za uhai wake, marehemu YP amesikika katika ngoma kali ikiwemo, Dar Mpaka Moro, Umewaona, Twenzetu Kichwa Kinauma, Umri, Pumzika na Tunafurahi.

YP alizikwa juzi katika Makaburi ya Chang’ombe jijini Dar, Mungu ailaze roho yake mahali pema peponi. Amina.

Na  Deogratius Mongela na Chande dallah 

JIUNGE NA EDMO BLOG SASA

Usipitwe!! Jiunge nasi kupitia Facebook,Twitter na Instagram ili kupata habari zote za town! Usikose kujiunga na Youtube kuangalia video zote kali kutoka Edmo Blog Pekee!, kujiunga bonyeza hapa>>>Youtube

Tupe Maoni Yako lakini Usiandike Matusi