Mahakama ya Hakimu Mkazi Mkoa wa Morogoro bado imeendelea kuahirisha kesi inayowakabili watuhumiwa watatu wanaokabiliwa na shitaka la kusababaisha kifo cha mtoto Nasra Rashidi (4) kwa madai ya kutokamilika upelelezi.
Watuhumiwa
hao ambao ni baba mzazi wa mtoto huyo, Rashid Mvungi (47) mkazi wa
Lukobe pamoja na wanandoa Mariam Said (38) na Mtonga Omari (30) wote
wakiwa ni wakazi wa mtaa wa Azimio, kata ya Kiwanja cha ndege.
Mbele
ya Hakimu Mkazi Mfawidhi wa Mkoa wa Morogoro, Mary Moyo, mwendesha
mashitaka wa polisi, Aminata Mazengo aliiomba mahakama hiyo kupanga
tarehe nyingine ya kutajwa tena kutokana na upelelezi wake kutokamilika.
Hakimu
Moyo alikubaliana na ombi hilo na kuahirisha kesi hiyo hadi Agosti 6
mwaka huu itakapofikishwa mahakamani hapo kwa kutajwa tena na kwamba
jalada la kesi hiyo bado liko kwa mwanasheria wa Serikali. Watuhumiwa
wote walirudishwa rumande.
Posts
