Mwanamke
mmoja mkazi wa kijiji cha Nyambiti wilayani Kwimba, ameuawa kikatili na mumewe
na muuaji kutokomea kusikojulikana.
Paschal
Joseph anadaiwa kumuua mkewe Grace Joseph (20) kwa kumkata na kitu chenye ncha
kali sehemu za shingoni na kisogoni.
Tukio
hilo la kinyama limetokea jana saa 11.00 alfajiri katika kitongoji cha Kibara,
kijiji cha Nyambiti nyumbani kwao na marehemu.
Akizungumza
na mwandishi wa habari hizi jana jioni, mzazi wa marehemu Bwana Joseph Bahebe
alisema, chanzo cha mauaji hayo unatokana na wivu wa kimapenzi mgogoro ambao ulikuwa
ni muda mrefu na kwamba marehemu ameacha mtoto mmoja wa kike mwenye umri wa
mwaka mmoja na nusu.
Alisema
marehemu na mumewe walikuwa wakiishi kijiji cha Goloma tangu mwaka jana na
mgogoro ulipoanza walirudi nyumbani kwake na kuwasuluhisha lakini jana
alfajiri, alishtushwa na kelele na
alipoenda chumbani kwao alikuta marehemu anatokwa damu nyingi mwilini na
alifariki akiwa njiani akipelekwa hospitali ya wilaya
Mkuu
wa wilaya ya Kwimba Seleman Mzee amethibitisha kutokea kwa mauaji hayo ambapo
jeshi la polisi wilayani Kwimba linamtafuta mtuhumiwa ili afikishwe mbele ya
sheria..
Posts
