Kitengo cha kutetea haki za kijinsia juu ya ukatili pamoja na unyanyasaji wa kijinsia kiitwacho Gender Based Violence (GBV) kimelenga kutoa elimu na kuhamasisha wananchi kujua madhara yatokanayo na unyanyasaji wa kijinsia wilayani Makete
Hayo yamesemwa na Afisa wa kitengo hicho Bi, Monica Yindi alipokuwa akizungumza na wanahabari nakusema wananchi wa Makete wamekuwa wakitendewa ukatili pamoja na unyanyasaji wa kijinsia lakini wamekuwa hawajui waende wapi kupata msaada wa kibinadaamu
Kutokana na hali hiyo kitengo hicho kimeamua kukuwasaidia wananchi wakishirikiana vizuri na serikali katika kutoa elimu ya unyanyasaji wa kijinsia pamoja na ukatili unaotokea kwa wananchi wilayani Makete
Aidha Bi. Monica amesema kuwa watafanya kazi hiyo katika kata za Iniho, Bulongwa, Ipelele, Ipepo, Ikuwo, Isapulano, Iwawa, Luwumbu, na Matamba nakusema kuwa baada ya miaka mitano watakuwa wamemaliza kutoa elimu hiyo kwa wilaya ya Makete
Na: Timotheo Swallo
Posts
